Тиббиёт олий таълимгохи талабалари учун дарслик

Антеград пиелоуретерография.
Антеград пиелоуретерография рентгеноконтраст моддани тугридан-тугри нефропиелостома ёки тери оркали пункция йули билан косча-буйрак тузилмасига юборишга асосланган (16 расм).
16-расм. Антеград пиелоуретерограмма. Чап томондаги гидроуретеронефроз.
Бу текшириш усули буйракнинг иш фаолияти бузилганлиги сабабли рентгеноконтраст моддаларни экскретор урографияларда ажралиб чикиши куринмаганида, ковукнинг хажми кичик булиши туфайли ретроград пиелография имконияти булмаганда ва сийдик чикариш канали ёки сийдик йули тусиклигида (тош, чандикланишда, чандиклар туфайли битиб кетганда, усма сийдик йули атрофи яллигланганда) кулланади.
Антеград пиелоуретерография новокаин анестезияси оркали бемор корни билан ёткизилган холда тери оркали килинади. Аввал килинган умумий суратга асосланиб , XI ковурга тагига, урта чизикдан 10 см латераль томонда , игнани ичкарига ва буйрак жомига караб юборилиб, шприцнинг поршенини баъзида тортиб , узлуксиз равишда новокаин суюклиги юборилади. Шприцда сийдик пайдо булиши игнанинг буйрак жомига ёки косачасига тушганлгидан далолат беради. Бу усул буйрак жоми ичидаги босимни улчашга имкон бериб, гидронефротик трансформацияли беморларда мухим ахамиятга эга. Бир кисм сийдик аспирация килиниб, игна оркали аспирация килинган сийдикдан озрок рентгеноконтраст модда юборилади. Зарурати булган вактда рентгеноконтраст модда сифатида антеград пневмоуретеропиелография килиш учун кислород куллаш мумкин.
Пиело-ёки нефропиелостома оркали антеград пиелоуретерография учун рентгеноконтраст моддани юбориш техникаси оддий муолажа хисобланади. Коидага биноан , бу косача – буйрак жоми тузилмасининг операциядан кейинги холатини ва операция килинган буйракнинг сийдик йулини назорат килиш учун бажарилади. Буйрак жоми – буйрак рефлюксларининг хавфи хисобга олиниб, текшириш утказаётган вактда эхтиёткорлик юзасидан асептика ва антисептика коидаларига каттик риоя килиш зарур.
Уротомография.
1929 йили бирични марта урология амалиётида уротомография кулланилди. Бу усул буйрак усти безлари ва сийдик йулларини каватма-кават рентгенография килишга асосланган. Буйракнинг асосий томографик кесими унинг дарвозаси, буйрак жоми ва буйрак паренхимасидан утади. Бошка суратлар учун 1 см томографик кадамни етарли деб хисобланади. Плёнкага тушган куланка томографик кесимдаги аъзонинг бир булагининг тасвири хисобланади. Томография буйракнинг катта-кичиклигини, шаклини ва турган урнини, буйрак ва буйракдан ташкаридаги усмаларни, бир-биридан фаркини ажратиш ташхисида, сийдик йулидаги тошларнинг, петрификатлар ва ут копидаги тошларнинг, буйрак ва буйрак олди клечаткасидаги ёт жисмнинг турган жойини аниклашда кулланилади. Экскретор урография ва пневморетроперитонеум билан бу текширишни бирга олиб борилганда унинг хал килиш кобиляити ошади.
Экскретор урография усулининг яна бир томографияга боглик булган тури нефротомография бу экскретор урографияни нефрографик даврида, буйракни каватма-кават текшириш булиб, буйракнинг куланкасини ва унинг ташки тасвирини янада аникрок олишга имкон беради. Бу усулнинг бажарилиши – оддий нефротомография шундан иборатки, 60 мл 60-70% рентгеноконтраст моддаси тезликда юборилиб, 10 дакикадан кейин катор томограммалар бажарилади.
Урологияда кейинги вактларда ва бошка клиник тиббиёт сохаларида янги рентгенологик текшириш усули – компьютер томография муваффакият билан кулланилмокда. Бу усул хеч шикастлантирмайди, беозор, танага ташкаридан кандайдир модда ёки асбоб киритилмайди, тезликда хар хил чукурликдаги, хар кандай аъзонинг аник тасвирини олишга имкон беради. Бу усулнинг айникса усма касалликларини аниклашдаги бахоси юкоридир (17-19 рам).
17-расм. Одатдаги буйракнинг рентген компьютер томограммаси.
18-расм. Рентген компьютер томограмма. Унг буйракнинг кистаси.
19-расм. Рентген компьютер томограммаси. Чап буйракнинг усмаси.