Тиббиёт олий таълимгохи талабалари учун дарслик

БУЙРАК АРТЕРИАЛ ГИПЕРТЕНЗИЯСИ.
Артериал гипертензияси билан огриётган беморларни 30-35% да касаллик буйрак ва унинг томирларини хасталигидан келиб чикадиган нефроген гипертензиясига алокадордир.
Нефроген гипертензия икки турга булинади: вазоренал ва паренхиматоз. Вазоренал гипертензиянинг сабабларига буйрак артерияси ва унинг асосий шохларининг бир ёки икки томонлама тугма ёки орттирилган хасталиклари киради. Паренхиматоз гипертензия эса, купрок бир ёки икки томонлама пиелонефрит, гломерулонефрит ва буйракнинг бошка касалликлари (буйрак тош, сил, усма, буйрак кистаси, сув буйрак, буйраклар поликистози ва бошкалар) сабабли келиб чикади.
АРТЕРИАЛ ГИПЕРТЕНЗИЯСИНИНГ ВАЗОРЕНАЛ ТУРИ.
Вазоренал артериал гипертензия, барча артериал гипертензия беморларнинг 7% ташкил килади.
Э т и о л о г и я с и.
Гольдблатт 1934 йили итларда битта буйракнинг артериясини торайтириб, иккинчи буйракни эса олиб ташлаб, мустахкам артериал гипертензия турини келтриб чикаришга мувофик булди. Одамларда хам хар хил сабабларга кура, буйрак артерияси торайган, ёки унинг ичига тромб тикилганда, уларда артериал босим ошиб кетар экан.
Артериал гипертанизияси бор беморларни, артерияси торайган буйраги олиб ташланса ёки бу буйракни томирида пластик операция килиниб, ичи кенгайтирилса, беморларни согайиб кетиши, буйрак артериясининг торайтирувчи жарохатлар артериал гипертензиясининг сабаби эканлигига исбот була олади. Артерияни торайишини энг куп (65-70 % беморлар) учрайдиган сабаблардан бири атеросклероздир. Бунда учрайдиган буртмалар, томирларни ичини торайтиради. Буйрак артериясини торайишини бошка сабабларга уни деворларининг фибромускуляр дисплазиясини (20-25%) курсатиш мумкин. Дисплазияни асосида эса, эластик тукимани тугма камлиги натижасида келиб чикадиган, томир деворларининг хасталигидир. Кейинчалик мускул тукиманинг урнини босувчи кмпенсатор гипертрофия ва фиброз тукиманинг пролиферацияси хам келиб кушилади. Бундай дисплатик узгаришлар, артерия деворини бирон катламини купрок медиал ёки интима каватларини шикастлантиради. Паталогик узгариш айланма, куп сонли торайишларга олиб келади ва томирларни тузилишини, тасбехни тузилишига ухшатиб куяди.
Якин вактларгача нефроптозза, артериал гипертензияни келтириб чикарувчи сабаб сифатида каралган эмас эди. Н.И.Пирогов номли II-МЛОДМИ урология.