Тиббиёт олий таълимгохи талабалари учун дарслик

Ташхиси.
Уткир простатитнинг ташхиси одатда кийинчили тугдирмайди.У анамнезнинг маълумотларига ва беморнинг шикоятларига асосланган (огрикларни ораликда ва йугон ичакда булиши, сийишни кийинлашиб, огриклар билан булиши, уретрада шилимшик – йирингларни ажралиб чикиши, тана хароратининг 38-39⁰С гача кутарилиши, титраш). Простата безини бармок билан текшириш унинг катталашганини ва шишиб колганини аниклайди. Простата безининг секретида лейкоцитлар микдори купайиб ва лецитин доначаларини озайганлиги аникланади. Уткир простатитда простата безининг текширишини жуда авайлаб, уни купол равишда босиб, укалаш мумкин эмас.
Фаркловчи ташхиси.
Уткир простатитни уткир циститдан ажратиш керак, чунки иккала касалликда хам тез-тез сииш огриклар билан кузатилади. Аммо уткир простатит сиишнинг кисилиши ва яккол куринган йирингли интоксикациянинг блгилари билан хамда простата безининг катталашиши, пайпаслаганда унда бирданига булган огрик ва унинг шишганлиги билан кузатилади.
Уткир циститда лейкоцитурия сийдикнинг хамма уччала кисмида булади, уткир простатитда эса у сийдикнинг учинчи кисмида яккол куриниб, простата безини пайпаслагандан кейин у яна кучаяди.
Давоси.
Уткир простатит беморлар учун крпа-ёстик режими зарур булиб, пархезда эса уткир, китиклайдиган овкатлар булмаслигикерак. Кенг спектр таъсир кучига эга булган антибиотиклар (ампициллин, тетраолеан , канамицин, гентамицин сульфати ва бошкалар). Сульфаниламид препаратлари билан биргаликда интенсив даволаш усули тайинланади. Огриклар ва сийиш истаги вактида пайдо булган огрикларни озайтириш учун белладонна, анастезин, промедол ёки пантапон билан булган шам дорилар кулланилади. Шу максадда ораликка иситадиган муолажалар, грелка, 38-40⁰С ли утирадиган иссик ванна ва микроклизмалар (39-40⁰С хароратли 50 мл сувга 1 грамм антипирин ёки пирамидон) кулланилади. Доимо ичакни бушаб туриши учун , сурги дорилар тайинланади. Агар уткир простатитда простата безининг абцесси булса, албатта операция килиш керак, оралик йули билан тугри ичак оркали абцесс ёрилади. Простата безининг энг юмшок жойини аввал йугон игна билан пункция килиб, унда хакикатда йиринг борлигига каноат хосил килиш керак.
Натижаси.
Агар уткир простатит да уз вактида керакли даволаш утказилса, коидага биноан натижаси яхши булади. Лекин вакти утказиб юборилиб, кеч антибактериаль даволаш булса, простата безининг абцесси тешилиб ёки операция килиб ёрилган булса, уткир простатитнинг яллигланиш жараёни сурункали шаклига утиши мумкин.