Thesis · April 2020 doi: 10. 13140/RG

 
ОИЛАДА ФАРЗАНД ТАРБИЯСИДА КЛАСТЕР УСУЛИДАН ФОЙДАЛАНИШНИНГ 
ПЕДАГОГИК ШАРТ-ШАРОИТЛАРИ 
 
Мусурманов Р.– п.ф.н., доцент, Жуманова Ф.У.– п.ф.н., Жаббарова О.М.– ЧДПИ, 
Ўзбекистон.
 
Аннотация:
Мақолада фарзандларни оилавий шароитда баркамол инсонлар қилиб 
тарбиялашнинг кластер (ҳамкорликда) усулидан фойдаланиш тўғрисида фикр юритилган. 
Таянч сўзлар:
оила, фарзанд, тарбия, баркамол инсон, кластер, мактаб, маҳалла, 
жамоатчилик, Шарқ мутафаккирлари, мумтоз манбалар. 

---

ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
 
454 
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ
Аннотация:
В статье приведены мысли о воспитании ребенка в семейных условиях 
достойного человека методом кластеря. 
Ключевые слова:
семья, ребенка, воспитание, достойного человека, метод, кластер, 
школа, махалля, общество, Восточные мыслители, классические наследии. 
Маълумки, Ўзбекистон Республикаси миллий мустақилликка эришгандан кейин 
оиланинг жамият ривожланишида тутган ўрни ва иштирокини янада ошириш, оилаларнинг 
ҳуқуқий, ижтимоий, иқтисодий, маънавий-ахлоқий манфаатлари ва фаравонлигини 
таъминлашнинг давлат томонидан қўллаб-қувватлашни кучайтириш ҳамда изчил таъминлаш 
мақсадида 1998 йил “Оила йили”, 2012 йил “Мустаҳкам оила йили” деб эълон қилинган эди. 
Шунга асосан оила манфаатларини таъминлаш мақсадида кенг қамровли Давлат дастурлари 
ишлаб чиқилди. Республика “Оила” илмий-амалий маркази ташкил этилди. Шунингдек, 
оилавий ҳаёт масалаларини ҳуқуқий тартибга солиш тўғрисидаги Ўзбекистон 
Республикасининг “Оила кодекси” 1998 йил 30 апрелда қабул қилинди.
Узлуксиз таълим тизимини тубдан ислоҳ қилишдан аниқ мақсад ҳам таълим 
муассасаларида таҳсил олаётган ёшларни жамият талабларига мос равишда тарбиялашни 
тақоза этади. Бу борадаги илмий изланишлар, ўз самарасини бериши шубҳасиздир. 
Ватанимиз мустақилликка эришгандан буён оиланинг ҳуқуқий ва ижтимоий муҳофазасини 
янада кучайтириш, соғлом оилани шакллантириш давлат миқёсидаги муҳим масалалардан 
бири бўлиб келмоқда. Бу борада қабул қилинган меъёрий-ҳуқуқий ҳужжатлар оила 
манфаатларига, жамият тараққиётига хизмат қилмоқда. Зеро оила жамиятимизнинг асосий 
бўғини ҳисобланади. 
Чирчиқ Давлат педагогика институтида яратилган “Педагогик таълим инновацион 
кластери” ана шундай ташаббуслар, илмий изланишлар натижасидир. Бунда бир гуруҳ 
таълим-тарбия 
субъектларининг 
инновацион 
маҳсулот 
яратишга 
ва 
унинг 
рақобатбардошлигини оширишга имкон берадиган янги тизим бўлиб, у соҳанинг миллий ва 
минтақавий даражада ривожланиши учун кучли рағбат беради. Шунга кўра, кластер 
ёндашуви фан ва таълимни, пировардида, амалиётда жамиятни ривожлантириш учун янги 
имкониятларни излаш ҳамда амалга ошириш имконини яратади. Кластер доирасида бир 
нечта субъектларни ўзаро интеграциялаш жараёни мураккаб, кўп тармоқли илмий-амалий 
фаолиятдир. Ўзаро боғлиқ бир нечта фаолият турларини умумий мақсад атрофида 
бирлаштириш аниқ ҳисоб-китоблар ва илмий ечимларни, натижаси кафолатланган 
лойиҳаларни талаб қилади, шундагина кластер субъектларининг ишончини қозонади. 
Шундай экан, педагогик таълим инновацион кластери доирасидаги илмий-педагогик 
лойиҳаларни амалда синаб кўриш муайян тажриба-майдончалари бўлишни талаб этади. 
“Педагогик таълим инновацион кластери” кўп тармоқли бўлиб, уни таълим-
тарбиянинг барча соҳаларида қўллаш кутилган натижани бериши шубҳасиз. Ушбу 
янгиликдан унумли фойдаланиш мақсадида биз “Оилавий шароитда фарзандларни баркамол 
инсонлар қилиб тарбиялашда” янги педагогик инновацион кластер усулидан фойдаланишни 
ўз олдимизга мақсад қилиб қўйдик. Бунинг учун оила, таълим муассасаси, маҳалла, ёшлар 
ташкилотлари ва кенг жамоатчиликни битта мақсад йўлида бирлашиш орқали келажак 
авлодларни баркамол инсонлар қилиб тарбиялашга ҳисса қўшишга қарор қилдик. Бу борада 
институтимизнинг “Педагогика” факультетидаги “Педагогика ва менежмент” кафедраси 
профессор-ўқитувчилари жиддий илмий-амалий изланишларни бошлаб юборишди. Ана шу 
мақсадлар самараси ўлароқ, Чирчиқ шаҳар 2 - умумтаълим мактаби кафедрамиз учун 
“Мактаб–лаборатория” – педагогик таълим инновацион кластерининг объекти бўлиб, таълим 
турларининг илмий, услубий ва таълимий, тарбиявий фаолиятини ривожлантириш мақсадига 
қаратилган инновацион лойиҳалар бўйича тажриба-синов майдончаси ҳисобланади. 
Ҳар бир халқнинг ўзига хос анъаналари, расм-русумлари ва қадриятлари бор. Ўзбек 
оиласининг болажонлиги, эр-хотин ва фарзандлар ўртасидаги муносабатларнинг 

---