The innovative methods in teaching foreign languages: the role of skill and translation in teaching namangan, uzbekistan

ўғлонлари» жумласи «like Ayyub’s sons» (Айюббекнинг ўғилларидек) тарзида 
маъновий кенгайтириб берилган. Вақтни англатувчи сўзлар таржима матнида 
«today or tomorrow» (бугун ёки эртага) шаклида беради. Бу аслиятдаги: «ушбу 
кун тонгла» сўзлари маъносидан бир мунча узоқроқ маъно ташийди. Бу аслият 
прагматиклигига бир оз соя солади.
Ҳар учала таржима матнларини қиёслаш натижасида таржимонларнинг 
қиёсий сўз ва сўз бирикмаларини ифода этишга ҳаракат қилгани, муқобил 
вариантларни тўғри танлай олгани, таржима матни мукаммаллигига эришгани, 
баъзи ўринларда маънодан чекиниш ҳолатлари ҳам учраши маълум бўлади. 
Таржимашунос олим М.Холбековнинг ёзишича: «Тейтлер бу борадаги 
талабларни учта асосий тамойил орқали ифодалайди. 1) таржима аслият 
асарининг мазмуни ҳақида тўлақонли тасаввур уйғотиши керак, шунингдек 
таржимон томонидан аслият тили ва унинг предмети тўлақонли ўзлаштирилган 
бўлиши шарт; 2) таржима матнидаги ёзув услуби ва усуллар айнан 
аслиятдагидек тарзда ўгирилиши лозим; 3) таржима худди аслият каби табиий 
ва осон ўқилиши керак»
20
. Бу талабларга риоя этиш, албатта, таржима 
матнларини тўғри ўгиришга кўмак беради. «Таржимон муаллифнинг матнга 
муайян элементларни киритиш мақсадини, шунингдек, расмиятчилик ва турли 
хил адабий воситаларнинг аҳамиятини тушуниши керак. Таржимон муайян 
мувофиқ таъсирларни сақлаб қолиш учун эҳтиёт бўлишлари керак. Ниҳоят, 
таржима матни аслият матни билан бир хил маълумотни етказиб бериши ва 
аслият матни сингари ресепторга бир хил таъсир кўрсатиши керак»
21
. 
Хулоса қилиб айтадиган бўлсак, таржима матнида аслиятга мувофиқ 
ифода воситаларининг энг мақбул варианти танлаб олинган. Муаллиф 
ифодалаган қиёсий тасвирлар таржима матнида аслиятдагидек ифодаланиши 
учун, таржимон иккинчи бир тилда бу қиёсий тасвирларнинг муқобил 
вариантини тўғри танлай олиши шарт. Учала таржима матнини қиёслаш, бу 
борада таржимонлар маҳорати тўла намоён бўлганини кўрсатади. Улар 
таржима матнларида қиёсий сўз ва сўз бирикмаларидан унумли 
фойдаланганлар. Бу жиҳат, айниқса В.Текстон таржимасида ёрқинроқ 
кўринган.