“texnologiya va uni o’qitish metodikasi” fanidan

11 – amaliy mashgʻulot 
Barglardan guldasta tayyorlash 
Reja:
1. Barglar haqida maʼlumot berish.
2. Barglardan applikatsiya yasash haqida maʼlumot berish.
3. Barglardan applikatsiya yasash darslarini tashkil etish tartibini 
tushuntirish.
Amaliy mashgʻulotning maqsadi: 
Talabalarga barglar va barglardan 
applikatsiya yasash haqida maʼlumot berish. Barglardan applikatsiya yasash 
texnologiyasini oʻrgatish.
Pedagogning vazifalari:
• talabalarning barglardan applikatsiya yasash haqidagi bilimlarini aniqlash;
• ish joyini toʻgʻri tashkil qilish va texnika xavfsizligi qoidalariga amal 
qilishni eslatish;
• applikatsiya ishini bajarish haqida tushunchalar berish;
• barglardan applikatsiya yasash texnologiyasini oʻrgatish.
Taʼlim usullari: “Aqliy hujum”, koʻrgazmalilik, amaliy ish.
Taʼlim vositalari: Tayanch matn, metodik qoʻllanmalar, slaydlar, oq qogʻoz, 
barglar toʻplami, yelim, chizgʻich, qaychi, qalam.
Mashgʻulotni boshlashdan oldin oʻquvchilarning bilimlarini aniqlash va 
fikrlarini umumlashtirish uchun “Aqliy hujum” metodi asosida savollar beriladi.
1. Qanday daraxt barglarini bilasiz?
2. Daraxt barglarining xususiyatlari bir xilmi?

---

171 
3. Mashgʻulotga kerakli materiallar qanday joylashtiriladi?
4. Qanday asboblar bilan ishlaganda texnika xavfsizligi qoidalaridan 
foydalaniladi?
5. Tabiiy materiallar bilan ishlashning maqsadi?
Barglar oʻyinchoqlarni yasashda qiziqarli va kerakli qoʻshimcha material 
hisoblanadi. Ular turli shakl va ranglarda boʻlishi mumkin. Eman daraxtlarining 
yirik barglarini bolalar kemalarga yelkan sifatida ishlatishadi. Barglardan kapalak 
qanotlari, baliq suzgichlarini (bu oʻyinchoqlar gʻudda va bargdan yasaladi) 
yasashda qoʻllash mumkin. Barglarni kuzda, ular chiroyli boʻlganida terish yaxshi.
Oʻquvchilar barglarni toʻplar ekanlar, ularning ranglarini, shakllarini 
qiyoslashni oʻrganadilar, bu ularning kuzatuvchanligi va diqqat qilish 
qobiliyatlarini oʻstirishga yordam beradi. Toʻplangan barglar oldindan tayyorlab 
qoʻyilgan daftar varaqlari orasiga qoʻyiladi. Shundan keyin bolalarga barglarning 
mehnat mashgʻulotlarigacha rangini yoʻqotmasligi, buralib ketmasligi uchun 
qanday ishlov berish kerakligi tushuntiriladi. Har bir ekskursiyada bolalarning 
eʼtiborini insonning yaratuvchilik mehnatiga albatta jalb etish kerak. Ekskursiya 
oxirida 
suhbatga 
yakun 
yasaladi, 
ekskursiyada 
egallangan 
bilimlar 
umumlashtiriladi. Bundan tashqari, bolalarga uylarida qushlar tasviri tushirilgan 
rasmlarni, suratlarni koʻrish, ularning tanasi va qanotlarining shakliga, rangiga 
alohida eʼtibor berish topshiriladi.