“texnologiya va uni o’qitish metodikasi” fanidan

8- amaliy mashgʻulot. 
Kvilling usulida tabriknoma tayyorlash texnologiyasi 
Reja:
1. Tabriknomalar haqida maʼlumot berish.
2. Kvilling usulida shakllar yasash haqida maʼlumot berish.
3. Kvilling usulida tabriknoma tayyorlash texnologiyasini tushuntirish.
Pedagogik vazifalar:
• talabalarning tabriknoma va ularning turlari haqidagi bilimlarini aniqlash;
• kvilling usulida shakllar yasash haqida tushunchalar berish;
• kvilling usulida tabriknoma tayyorlash texnologiyasini tushuntirish.
Taʼlim usullari: Tushuntirish, aqliy hujum, amaliy ish, amaliy ish taqdimoti.
Taʼlim vositalar: Metodik qoʻllanmalar, slaydlar, tabriknoma turlaridan 
namunalar, kviling usulida shakllar yasash bosqichlari, rangli qogʻoz, rangli 
karton, qaychi, chizgʻich, qalam, yelim.
Mashgʻulotni boshlashdan oldin oʻquvchilarning bilimlarini aniqlash va 
fikrlarini umumlashtirish uchun “Aqliy hujum” metodi asosida savollar beriladi.
1. Tabriknomalarning qanday turlarini bilasiz?
2. Tabriknomalar nima maqsadda ishlatiladi?
3. Kvilling usulida qanday shakllar yasash mumkin?
4. Kvilling usulida tabriknoma yasashda qanday qogʻozdan foydalaniladi?
5. Qanday bayramlarni bilasiz?
Tabriknoma va uning turlari haqida maʼlumotlar. 
Tabriknomalar insonlarni yaxshi kunlarida: tugʻilgan kunlarda, bayramlarda, 
toʻy-marosimlarda oʻz tilaklarini, yaxshi niyatlarini bildirish uchun taqdim etiladi. 
Tabriknomalar turli bayramlar uchun turli shakllarda va oʻlchamlarda ishlab 
chiqiladi. Tabriknomalar asosan karton qogʻozidan tayyorlanadi. Muqovasi turli 
bezaklar (gullar, ramziy belgilar va boshqa shakllar) bilan bezatiladi. Asosan, 8-
mart va Navroʻz bayramlariga gullar tasvirlangan tabriknomalardan, tavallud 
kunlariga esa insonga tilak bildiruvchi ramziy belgilar tasvirlangan tabriknomalar 

---

163 
taqdim etiladi. Yangi yil bayramida qish, Qorbobo va sovgʻalar tasvirlangan 
tabriknomalardan, turli kasbiy bayramda kasblar, gullar, turli ramziy belgilar 
tasvirlangan tabriknomalardan foydalanish tavsiya etiladi.
Tabriknoma yasash uchun bizga quyidagi ish qurollari va materiallar kerak 
boʻladi.