“texnologiya va uni o’qitish metodikasi” fanidan

 

---

155 
4- amaliy mashgʻulot. 
Kartondan “Sanoq sonlari” koʻrgazmali qurolini tayyorlash 
Oʻquv mashgʻulotning maqsadi: 
Talabalarga karton va uning turlari 
haqida maʼlumot berish va kartondan koʻrgazmali qurollar tayyorlash 
texnologiyasini oʻrgatish
Taʼlim usullari: “Aqliy hujum”, amaliy ish, taqdimot
Taʼlim vositalari: karton qogʻozi, turli rangli qogʻoz, chizgʻich, qaychi, 
qalam, flomaster, skoch, sirkul, bolt.
Koʻrgazmalar: 
Metodik qoʻllanmalar, slaydlar, turli rasmlar, kartondan 
yasalgan koʻrgazmali quroldan namunalar (“Telefon”, “Olmali daraxt”, “Oʻyla, 
izla, top”)
Pedagogik vazifalar:
• Talabalarning kartondan yasaladigan koʻrgazmali qurollar haqidagi 
bilimlarini aniqlash;
• Ish joyini toʻgʻri tashkil qilish boʻyicha maʼlumotlar berish;
• Karton qogʻozi va uning turlari haqida tushunchalar berish;
• Kartondan turli koʻrgazmali qurollarni tayyorlash va ulardan foydalanish 
haqida tasavvurlarini shakllantirish
• Kartondan “Telefon”, “Olmali daraxt”, “Oʻyla, izla, top” koʻrgazmali 
qurollarini tayyorlash texnologiyasini oʻrgatish.
Mashgʻulotni boshlashdan oldin oʻquvchilarni bilimlarini aniqlash va 
fikrlarini umumlashtirish uchun “Aqliy hujum” metodi asosida savollar beriladi.
1. Kartondan koʻrgazmali qurol tayyorlash uchun ish joyini tashkil qilish 
fanday amalga oshiriladi?
2. Nima uchun darslarda koʻrgazmali qurollardan foydalanish maqsadga 
muvofiq ekanligi aytiladi?
3. Yana qanday koʻrgazmali qurollarni bilasiz?
4. Oʻz qoʻlimiz bilan qanday koʻrgazmali qurollarni tayyorlashimiz 
mumkin?

---

156 
5. Koʻrgazmali qurolni tayyorlash oʻquvchilarning qaysi tomonlarini 
rivojlantiradi va takomillashtiradi?
6. Kartondan tayyorlanadigan yana qanday koʻrgazmali qurollarni bilasiz?
7. Koʻrgazmali qurol turlari va ulardan foydalanish yoʻllari?
8. Kartondan koʻrgazmali qurol tayyorlash uchun ish joyini tashkil qilish 
qanday amalga oshiriladi?
9. Karton qogʻozi deb qanday qogʻozga aytiladi?
10. Kartonning xususiyatlari qanday?
11. Kartonning qanday turlari mavjud?
Koʻrgazmali qurollardan boshlangʻich sinflarning barcha fanlarida 
qoʻllaniladi. Koʻrgazmali qurollar darslarni samarali tashkil etishga va 
oʻquvchilarni egallanayotgan bilimlarni mustahkam egallashga yordam berdi. 
Koʻrgazmali qurollarni tayyorlashni oʻquvchilarning oʻzlari ham bajarish mumkin. 
Bu egallagan bilimlarni mustahkamlashga yordam beradi.
Vaziyat
Bolalar fermaga sayohatga borishdi. U yerda turli parrandalar, jonivorlar bor 
edi. Nazira tovuqlarni koʻrib :
- Voyboʻ bularni. Tovuqlarni yoqtirmayman. Ular har safar mening 
gulzorimni payhon qilishadi.
- Yoʻq, - dedi Barno, - tovuqlar yaxshi. Masalan mening tovuqlarim har kuni 
tuxum qoʻyadi. Ular bolalar uchun juda foydali.
Ularning suhbatini eshitgan oʻqituvchi bolalarga parrandalar, ularning 
tuxumlari haqida turli qiziqarli maʼlumotlarni berdi.