Texnologiya umumiy o‘rta ta’lim maktablarining 5-sinfi uchun darslik

25-§.
pOLIMER LOYDAN SUVENIR YASASH
Polimer loyni, birinchi navbatda, hammamizga bolalikdan tanish bo‘lgan plastilin 
bilan solishtirish mumkin. Hozirgi kunda polimer loyini kerakli mahsulotlar asosida 
tayyorlash va tayyor holda ham sotib olish mumkin (100-rasm). 
Kraxmal
(1 stakan 
(200 gramm)
Limon sharbati
(1 oshqoshiq (15 ml)
PVA yelimi
(200 gramm)
Makkajo‘xori uni
(1 stakan)
Rang beruvchi 
qo‘shimchalar
Qo‘l kremi
(me’yorga ko‘ra)
Glitserin 
(2 tomchi)
Mineral moy
(me’yorga ko‘ra)
100-rasm. 
Polimer loyini tayyorlash uchun kerak bo‘ladigan mahsulotlar.
polimer loyini tayyorlash ketma-ketligi:
1. Polimer loyini tayyorlash uchun sirli idishga PVA yelimi va suv quyib ilitiladi. 
2. Kraxmal, makkajo‘xori uni solib, yog‘och qoshiq bilan aralash tiriladi.
3. Quyuq massaga keltirilgach, ustidan mineral moy, limon sharbati, glitserin 
qo‘shib, yana bir xil massaga kelguncha aralashtiriladi. 
4. Tayyor bo‘lgan massa yaxshi ishlanishi uchun qo‘l kremi solinadi va ara-
lashtirish davom ettiriladi. 
5. Polimer loyi yaxshi turishi uchun yelim xaltada saqlanadi.