Texnologiya ta’limi praktikumi fanidan o’quv uslubiy majmua

Amaliy mashg’ulot.

Qalamdon chizmasini chizish va tayyorlash.

Qalamdon yasash tartibi:
1. Qalamdon tayyorlash uchun eni 50 mm, qalinligi 50 mm, uzunligi 200 mm o’lchamdagi yog’och bo’lagi tanlab olinadi.
2. Yog’och namunasining ustki qismiga belgilangan nuqtalar asosida chiziqlar chiziladi.
3. Yog’ochning yon tomonlaridan 7 sm qoldirib, ko’ndalangiga chiziq tortiladi.
4. Chizib olingan chiziqning o’rtasidan teng ikkiga ajratilib, uzunasiga chizib olinadi. Chiziqlar yog’ochning barcha tomonlariga bir xilda chiziladi.
5. Chiziqning bosh nuqtasi qolgan nuqtalar bilan birlashtirilib, uchburchak shakli hosil qilinadi.
6. Yog’och bo’lagi duradgorlik dastgohiga qotiriladi. Randa yordamida burchak qismlari randalanadi. Ish ketma-ketligi yog’ochning to’rtta tomonini ham randalash orqali davom ettiriladi.
7. Yog’ochning markazidan o’tkazilgan chiziqqa nuqtalar chizib olinadi. Nuqtalarni chizish barcha bo’laklarda amalga oshiriladi.
8. Yog’ochga teshik ochish ishlari parmalash stanogida bajariladi. Teshik ochishda maxsus burchaklik moslamasidan foydalaniladi. Burchaklik moslamasiga zagotovka o’rnatiladi. Tayyor zagotovkaga parmalash stanogida teshiklar ochiladi. Zagotovka ustidan parma tushirilib, asta-sekinlik bilan teshikchalar ochiladi.
9. Qalamdonning pastki qismidan bezak berish ishlarini bajarish uchun chiziqlar chiziladi. Chiziqlar egov yordamida egovlanadi. Chuqurcha hosil qilinadi.
10. Ish oxirida qalamdon qumqog’oz yordamida silliqlanadi.








Xavfsizlik texnikasi qoidalari:
1. Tirnoq birikmali buyumlarni yig’ish va yelimlashda foydalaniladigan asboblar hamda moslamalar sozlangan bo’lishi kerak.
2. Ish o’rnidagi pol va verstakning qopqog’i toza va duradgorlik yelimi tegmagan bo’lishi lozim. 3. Yelim qaynatkich va suvi isitiladigan idishning tubi keng, butun bo’lishi shart.
4. Elektr plita, shnur, rozetka va shtepsel vilkasi sozlangan va elektr xavfsizligi qoidalariga muvofiq bo’lishi kerak.