Texnologik jihozlar va ularning ekspluatatsiyasi

2. Texnologik jihozlar va ularning ekspluatatsiyasi fanining maqsadi, vazifalari, tuzilishi, predmeti va bakalavr tayyorlashdagi ahamiyati.
TAYI oliy o’quv yurtida 5310600 – Yer usti transport tizimi va ularning ekspluatatsiyasi (avtomobil transporti) va 5111000 – Kasb ta’limi (5310600-Yer usti transport tizimi va ularning ekspluatatsiyasi (avtomobil transporti) ta’lim yo’nalishlari bo’yicha tayyorlanayotgan mutaxassis, zamonaviy avtomobillar, yuqori texnologik jixozlar, yuqori malakali ishchilar, intensiv texnologik jarayonli zamonaviy avtoservis korxonalarida ishlab chiqarishni o’qitish ustasi lavozimida ishlashi ko’zda tutilgan. Shu sababli avtoservis korxonasi ishlab chiqarish texnologik jarayonining bevosita ishtirokchisi – malakali ishchining ish funksiyalarini bilish, o’rganish, ya’ni avtochilangarday texnik fikrlashni, xatti – xarakatni shakllantirish asosiy maqsad xisoblanadi.
Ma’lumki, texnologik jarayonda bevosita ishtirok etuvchi ishchining xatti – xarakatlari avtomatizm shaklda, ritmik, yengil amalga oshirilishida asosan o’zlashtirilgan bilim, ko’nikma va malaka katta o’rin egallaydi. Shu sababli bo’lajak ishchiga bilim berish, texnologik jarayondagi asosiy xatti-xarakatlar bo’yicha ko’nikma va malakaga erishtirish asosiy vazifa xisoblanadi.
Avtomobillarga texnik xizmat ko’rsatish va ularni tamirlash ishlarini bajaruvchi avtochilangarning qo’l mehnatini yengillatish, texnik xizmat ko’rsatish va ta’mirlash ishlarida avtomobilga turli tomonlardan ta’sir ko’rsatishda qulaylik yaratish, og’irligi katta bo’lgan agregatlarni avtomobildan yechib olish, ularni ta’mirlash uchun ustaxonaga yetkazish va avtomobildagi o’rniga qaytadan o’rnatish, avtomobil kuzovlarini yuvish, kuzovlarni ta’mirlash, avtomobil agregat va tizimlarini diagnostikalash va boshqa xizmat turlarini ko’rsatish maqsadida avtoservis korxonalarida texnologik jihozlardan foydalaniladi.
Avtomobillarga ТХK va ta’mirlash ishlarida texnologik jihozlardan oqilona va unumli foydalanish yuqorida bayon etilgan ishlar bilan chegaralanib qolmasdan, balki avtomobillarga ko’rasatiladigan servisning sifatini oshiradi, ishchilarning mehnat sarflarini kamaytiradi, texnik xizmatlarni bajarish uchun sarflanadigan vaqtni qisqartiradi va avtochilangarning xavfsizligini ta’minlaydi.