Texnika asoslari. Reja

7. Bozor iqtisodiyoti sharoitida ijtimoiy sohada

sifat ko‘rsatkichlari

Ijtimoiy soha xarajatlari samaradorligini oshirish uning tarmoqlari va bo‘g‘inlarida ish sifatini oshirish bilan bog‘liqdir. Xizmat sifati iqtisodiyotning rivojlanishi natijasida sodir bo‘layotgan ehtiyojlarning qondirilish darajasi aniqlanadi. U o‘zida ijtimoiy iqtisodiy samaradorlikka ta’sir qiluvchi barcha omillar yig‘indisini mujassamlab, samaradorlikning shakllanish jarayonini kuzatish imkoniyatini beradi.⁹

Sifat ko‘rsatkichlari turli-tumandir. Ko‘p hollarda ular andozalar asosida ishlarni o‘tkazishda ob’ektiv shartlarga va talablarga muvofiq aniqlanadi. Eng asosiy rolni mehnat va xizmatlarning sifat ko‘rsatkichlari o‘ynaydi. Aniq xizmat turlarining sifat ko‘rsatkichlari shu tarmoqning maxsus yo‘nalishiga bog‘langandir. Masalan, ijtimoiy sohaning turar-joy xo‘jaligida, transportda va aloqa xizmatida iste’molchilarga o‘z vaqtida xizmat ko‘rsatish asosiy ko‘rsatkich hisoblanadi.

Ba’zi bir tarmoqlarda, masalan, maishiy xizmat sohasida xizmat sifatini ikki usulda aniqlash mumkin: a) mahsulot sifati bilan; b) xizmat sifati bilan.

Bu tarmoqda iste’molchi talabini unga xizmat ko‘rsatib vaqtdan iqtisod qilish uchun sharoit yaratish pirovard natija hisoblanadi. Ijtimoiy sohaning moddiy ishlab chiqarishdan farqi shundaki, sifat ko‘rsatkichlari mahsulotning jismoniy va boshqa tavsiflariga qarab emas, balki bevosita xizmat jarayonining zarur tomonlariga qarab baholanadi.

Xulosa

Aholining ijtimoiy himoyaga muhtoj ehtiyojmand qatlamlari himoyasini kafolatlash bugungi kunda mamlakatimiz oldida turgan ustuvor vazifalardan biri sifatida belgilanmokda. Xususan, bu masala 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha X,arakatlar strategiyasini «Xalq bilan muloqot va inson manfaatlari yili»da amalga oshirishga oid Davlat dasturida to‘la o‘z aksini topdi.