Тесты для самоконтроля. Книга будет полезной также для магистров и практикующих детских хирургов

 
 
15.6-rasm. O‘rin bo‘shligi umumiy rentgen 
tasvirida «double-bouble», pastda – «soqov 
qorin» 
15.7-rasm. O‘rin bo‘shligi umumiy rentgen 
tasvirida ko‘plamchi Kloyber kosochalari. 
 
Bunday  holatlarda  ichak  tutilishi  joylashuvi  va  xarakterini  aniqlashda 
yanglishish mumkin. Yonbosh va yo‘g‘on ichak atreziyalarini Girshprung kasalligi, 
mekoniyli  tiqin  sindromi  va  mekonial  ichak  tutilishi  immitatsiya  qilishi  mumkin. 
Ko‘p  holatlarda  tepada  ko‘rsatilgan  patologiyalar  bilan  differensial  tashxislashni 
bariy  bilan irrigografiya  yordamida  o‘tkazish  mumkin  (15.8-rasm).  Yo‘g‘on  ichak 
diametri  atreziya  sathini  aniqlashga  imkoniyat  beradi.  Nuqsonning  duodenal 
joylashuvida  yo‘g‘on  ichak  diametri  o‘zgarmagan,  yonbosh  ichak  distal  qismlari 
atreziyasida  –  toraygan  (mikrokolon).  Yo‘g‘on  ichakni  keskin  torayganligi, 
ayniqsa, mekoneal iichak tutilishi bo‘lgan bolalarda kuzatiladi. 
Davolash. Operatsiyadan oldingi tayyorgarlik. Ichak atreziyasi bilan tug‘ilgan 
bolalarda  operatsiyadan  oldingi  tayyorgarlikka  neonatal  intensiv  terapiyaning 

---

 
146 
hamma  prinsiplari  qo‘llanishi  mumkin.  Asosiy  e’tibor  quyidagilarga  berilishi 
kerak:  (1)  transportirovka  davrida,  analizlarga  qon  olish  vaqtida  va  rentgenologik 
tekshiruv davrida isitish (bolani muzlatib qo‘ymaslik); (2) aspiratsiyani oldini olish 
uchun  nazogastral  zond  (kerakli  diametrli)  bilan  oshqozon  dekompressiyasi;  (3) 
venaga  kateter  o‘rnatish  va  suyuqlik  yo‘qotish  hamda  elektrolit  buzulishlarni 
korreksiya  qilish.  Zond  orqali  chiqayotgan  oshqozon  suyuqligi  miqdori  (1:1) 
Ringer-laktat  yoki  fiziologik  eritmasi  vena  ichiga  yuborilishi  bilan  to‘ldirilishi 
kerak.  Kasalxonaga  tushish  davrigacha  ko‘p  suyuqlik  yo‘qotgan  va  natijada 
degidratatsiyalangan bolalar diurez  va peshob osmolyarligi  adekvat bo‘lmaguncha 
tana vazniga nisbatan 1 soatda 1% hajmida suyuqlik olishlari kerak. Operatsiyadan 
oldin,  sepsis  holatlari  gumon  qilinmasa  hamda  yaqqol  pnevmoniya  yoki  peritonit 
alomatlari  bo‘lmasa,  antibiotiklar  buyurish  zaruriyati  bo‘lmaydi.  Peritonit  bilan 
kasallangan bolalar qo‘shimcha suyuqlik hajmiga va antibiotiklarga muhtoj. 
Operatsiya  usulini  tanlash  atreziyaning  joylashuvi,  bemorni  xirurgiya 
bo‘limiga  tushishi  davri  va  rivojlangan  asoratlarga  bog‘liq.  Duodenal  va  ingichka 
ichak  atreziyalari  yoki  stenozlarida  operativ  davo  asosiy  prinsipi  atreziyali 
(stenozli) segmentni rezeksiyasi va entero-entero anostomoz qo‘yish. 
Yo‘g‘on  ichak  atreziyasida  proksimal  segmentning  eng  ko‘p  kengaygan 
qismini  rezeksiya  qilish  va  vaqtinchalik  ichak  oxiri  kolostomasini  qo‘yish  kerak. 
Yo‘g‘on ichak anostomozi, yo‘g‘on ichak proksimal qismi diametri me’yoriga tez 
kelsa, bemorni bir yoshligida va undan ertaroq qo‘yiladi. Bu nuqson variantiga olib 
keluvchi va olib ketuvchi (ishlamaydigan) qismlarning o‘lchamlari katta farqlanishi 
xos, lekin ichakni funksiyasi (operatsiyadan so‘ng) tiklanishiga bu ta’sir qilmaydi. 
Operatsiyadan  keyingi  davolashning  asosiy  prinsiplari  –  hamma  bemorlarda 
nazogastral zond (kerakli diametrli) yordamida ichakni adekvat dekompressiyasi va 
chala  tug‘ilgan  bolalarda,  malabsorbsiya(  ichakning  so‘rish  maydoni  kamayishi 
sababli)  hamda  anostomoz  zonasi  tutilishida  enteral  oziqlantirishni  5  kundan 
ortig‘iga qoldirilsa, hamma bemorda total parenteral oziqlantirish o‘tkazish.