Termiz davlat universiteti yuridik fakulteti

Test topshiriqlari
1. “Al-Adab al-mufrad”asarining muallifi kim?
A.Al-Buxoriy
B. Abu Lays Samarqandiy
S.Fitrat
D.A.Cho’lpon


2.Quyidagilardan qaysi biri Abu Lays Samarqandiyning asari?
A.“Tanbehul g‘ofiliyn”
B.”Oila”
S.”Padarkush”
D. “Devoni lug’otit- turk”
3. “Farzandlaringizga suzish va kamon otishni, qizlarga ip yigirishni o‘rgatinglar” degan tavsiya kim tomonidan aytilgan?
A. Payg‘ambarimiz (s.a.v.)
B. Al-Buxoriy
S.I.G’azzoliy
D. Abu Lays Samarqandiy
4. Qaysi manbada “Farzandlaringizni hurmat qiling va ularni yaxshi xulq bilan xulqlantiring” deb ta’kidlangan?
A. Hadisi sharifda
B.”Qur’oni Karim”da
S.”Injil”da
D. “Budda” ta’limotida
5. Oila xo‘jaligini oqilona yuritishning muhim sharti nima?
A. oila iqtisodini rejalashtirish
B. oila byudjetini tartibga solish
S. oila a’zolarini ish bilan ta’minlash
D. oila daromadlarini hisob-kitobini olish
NAZORAT SAVOLLARI
1.Oilaga ta’rif bering
2.Oilada farzand tarbiyasiga qanday jihatlar muhim?
3. Oilada ekologik tarbiya qanday shakllantiriladi?
4. Tejamkorlik nima?
5. Oila xo‘jaligini oqilona yuritishning muhim sharti nima?


14-mavzu: Orzu, maqsad va muvafaqqiyatni anglatish mexanizmlari. O‘z-o‘zini anglash va o‘z-o‘zini tarbiyalash metodlari
Reja:
1. Orzu, maqsad va muvaffaqiyatni anglatish mexanizmlari. Maqsad qo‘yishning ahamiyati. Uni amalga oshirish yo‘llari va omillari. Rad etilish – olg‘a borish uchun sabab. Jamoaviylik.
2. Hissiyotlarni anglash, ularni nazorat qilish usullari. O‘z o‘zini anglash va o‘z o‘zini tarbiyalash metodlari.

Tayanch so’zlar: orzu, maqsad, muvaffaqiyat, hissiyot, jamoaviylik, o’z-o’zini anglash


14.1. Orzu, maqsad va muvaffaqiyatni anglatish mezanizmlari. Maqsad qo‘yishning ahamiyati. Uni amalga oshirish yo‘llari va omillari. Rad etilish – olg‘a borish uchun sabab. Jamoaviylik.


MAQSAD (falsafada) — inson amaliy faoliyatining avvaldan fikran o‘ylangan natijasi. Maqsad insonlarga xos bo‘lib, uni kelajakning loyihasi, deb ta’riflash mumkin. Ehtiyoj, manfaat, motiv individ yoki ijtimoiy guruh xulq-atvori, faoliyatining muhim tarkibiy qismlari bo‘lsa, maqsad faoliyat 
yo‘nalishini belgilovchi elementdir. Maqsadning shakllanishiga sub’ektning ehtiyoj va manfaatlari kuchli ta’sir o‘tkazadi. Maqsadning real va noreal, qisqa muddatli va uzoq muddatga mo‘ljallangan, asosiy va ikkinchi darajali va boshqa turlari bor. Real maqsadlar sub’ektning imkoniyatlari, atrof muhitning holati va ob’ektiv qonuniyatlarni hisobga olsa, noreal maqsadlar faqatgina sub’ektning orzu-istaklarini ifodalaydi, atrofdagi vaziyatni hisobga olmaydi.