Termiz davlat universiteti tarix fakulteti

Millat (arabcha “millat”-xalq) – kishilarning yagona tilda so‘zlashishi, yaxlit hududda istiqomat qilishi, mushtarak iqtisodiy hayot kechirishi, umumiy madaniyat va ruhiyatga ega bo‘lishi asosida tarixdan tashkil topgan bir qaror birligi. Millat ma’lum xududda barqaror yashab, tarixiy taraqqiyot davomida rivojlanib kelgan kishilarning ma’naviy-ruhiy birligining vujudga kelishi asosida shakllanadi.

Millatchilik – kapitalizm davrida jahonning mustamlakalar va metropoliyalar, qoloq o‘lkalar va ilg‘or davlatlar, ozod xalqlar va mustabidlik iskanjasidagi xalqlarga bo‘linib ketishiga qarshi kurashuvchi demokratik, ma’rifatparvar hamda insonparvar kuchlardan farqli o‘laroq, bu ziddiyatlarni o‘z millatining manfaatlarini boshqa millatlar haq-huquqlaridan yuqori qo‘yib hal etishga intiluvchi siyosiy oqim.

Tolerantlik (lotincha “tolerantia” – chidamlilik, bag‘rikenglik, sabr-toqatlilik, yon berish) – boshqa dinlar, ijtimoiy tartiblar, milliy va diniy urf-odatlar, o‘zga diniy va siyosiy qarashlar, e’tiqodlar va turmush tarziga nisbatan sabr-bardoshlilik, chidamlilik, boadablik, andishalik bo‘lish ma’nolarini anglatadi.