Termiz davlat universiteti tabiiy fanlar fakulteti geografiya kafedrasi

Nazorat savollari
1.Mamlakatning siyosiy-iqtisodiy geografik o’rniga baho bering.
2.Indoneziya tabiiy sharoiti va mineral resurslarining xo’jalik ahamiyati xususida gapirib bering.
3.Mamlakat aholisi soni va o’sishi hamda joylashishining demografik jihatlariga ta’rif bering.
4. Mamlakat aholisining tarkibi,migratsiyasi,hamda urbanizatsiya jarayonlari to’g’risida gapirib bering.
5.Mamlakatning siyosiy ijtimoiy hayotida siyosiy partiyalarning mavqei shuningdek Indoneziyaning xalqaro maydondagi tashqi siyosati haqida so’zlab bering.
6. Indoneziya xo’jaligining tarmoqlar tarkibi,va ularning hududiy joylashishi,hamda rivojlanish darajasiga ta’rif bering.
7.Xaritadan mamlakatning eng asosiy sanoat,qishloq xo’jaligi va transport rivojlangan rayonlarini ko’rsating.
8.Mamlakat tashqi iqtisodiy aloqalarining geografik xususiyatlarini izohlab bering.
JANUBIY OSIYO
HINDISTON

( HINDISTON FEDERATIV RESPUBLIKASI ) (2 soat)

REJA:

1. 
   Iqtisodiy-siyosiy geografik o'rni.
   
2. 
   Tabiiy sharoiti va resurslari.
   
3. 
   Aholisi.
   
4. 
   Davlat tuzumi.
   
5. 
   Xo'jaligi:
   

A) Sanoati.
B) Kishloq xo'jaligi.
V) Transporti.

6. 
   Tashqi iqtisodiy aloqalari.
   

Hududi- 3287732 km²
Aholisi- 1 398 787 198 kishi (2021y 22.06)
Poytaxti- Dehli.
Tayanch so'zlar:
Siyosiy iqtisodiy geografik o'rni mineral xom ashyo resurslari, aholi sonining o'sishi, murakkab etnik guruxlar, demografik siyosat,federativ respublika, iqtisodiyot tarmoqlari, industrial agrar mamlakat, tashqi iqtisodiy aloqalar
1. Iqtisodiy-siyosiy geografik o'rni.
Hindiston hududi shakliga ko'ra uchburchakni eslatadi, uning «asosi» materikda bo'lib, Osiyoning boshqa qismlaridan Himolay tog'lari tizimi orqali ajralib turadi. Tinch okeanga boradigan dengiz yo'li Hindiston yarimorolining janubiy chekkasi yaqinidan o'tadi. Mamlakat shimoldan janubga tomon 3,2 ming, g'arbdan sharqqa tomon esa 2,9 ming km ga cho'zilgan. Hind okeani mamlakatning okean sohilida joylashgan rivojlanayotgan mamlakatlar va Avstraliya bilan bog'laydi. Mamlakatning quruqlikdagi chegarasi dengizdagi chegarasidagi 2,5 barobar uzun bo'lib,ko'pincha yo'li og'ir bo'lgan tog'li sarhadlardan o'tadi. Shu sababli quruqlikdan o'tgan chegaraning mamlakat iqtisodiy hayotidagi ahamiyati uncha katta emas.