2-nazorat turi. Yakuniy nazorat. Yakuniy nazorat o’quv rejaga muvofiq , ma’ruza va amaliy mashg’ulot darslari tugagandan keyin, semester yakunida o’tkaziladi.
Yakuniy turini o’tkazish va mazkur nazorat turi bo’yicha talabaning bilimini bahoilash o’quv mashg’ulotlarini olib bormagan professor-o’qituvchi tomonidan amalga oshiriladi.
Yakuniy nazoratda talabalarga o’tilgan mavzular bo’yicha 3tadan savol beriladi. Baholash mezoniga ko’ra talabalar bilimi 2, 3, 4, 5 baho bilan baholanadi.
Yakuniy nazorat turiga kirmagan yoki kiritilmagan, shuningdek, ushbu nazorat turi bo’yicha “2” (qoniqarsiz) baho bilan baholangan talaba akademik qarzdor hisoblanadi.
Talabalarning bilimi quyidagi mezonlar asosida: Talaba mustaqil xulosa va qaror qabul qiladi, ijodiy fikrlay oladi, mustaqil mushohada yuritadi, olgan bilimini amalda qo’llay oladi, fanning (mavzuning) mohiyatini tushunadi, biladi, ifodalay oladi, aytib beradi hamda fan (mavzu) bo’yicha tasavvurga ega deb topilganda – 5 (a’lo) baho;
Talaba mustaqil mushohada yuritadi, olgan bilimini amalda qo’llay oladi, fanning (mavzuning) mohiyatini tushunadi, biladi, ifodalay oladi, aytib beradi hamda fan (mavzu) bo’yicha tasavvurga ega deb topilganda – 4 (yaxshi) baho;
Talaba olgan bilimini amalda qo’llay oladi, aytib beradi hamda hamda fan (mavzu) bo’yicha tasavvurga ega deb topilganda – 3 (qoniqarli) baho;
Talaba fan dasturini o’zlashtirmaga, fanning (mavzuning) mohiyatini tushunmaydi hamda fan (mavzu) bo’yicha tasavvurga ega emas deb topilganda – 2 (qoniqarsiz) baho bilan baholanadi.
Asos: O’zbekiston Respublikasi Oliy va O’rta maxsus ta’lim vazirligining 2018 yil 9-avgustdagi 19-2018-sonli buyrug’i.
Kurs (loyihasi) ishini baholash mezonlari: 5-baho bilan baholanadi, qachon:
talaba berilgan kurs (loyihasi) ishini nazariy va amaliy jihatdan atroflicha tushungan holda bajargan bo‘lsa;
vazifani bajarishda organik kimyo fanidan olgan bilimlarini to‘la qo‘llay olsa;
kurs (loyihasi) ishi bosqichlarini belgilangan muddatda talab darajasida bajargan bo‘lsa;
kurs (loyihasi) ishi mavzusiga oid so‘nggi adabiyot ma’lumotlarini to‘plab tahlil qila olgan va undan to‘g‘ri xulosa chiqargan bo‘lsa;
o‘rnatilgan grafik bo‘yicha bajargan va belgilangan talablar bo‘yicha sifatli rasmiylashtirilgan bo‘lsa;
himoya vaqtida ma’ruzasida kurs (loyihasi) ishi mavzusi mazmunini to‘la ochib bera olsa;
ma’ruzada belgilangan reglamentga amal qilinsa;
kurs (loyihasi) ishi himoyasida mavzuga oid berilgan savollarga etarlicha, aniq va asoslangan javoblarni bera olsa;
talaba o‘zi bajargan kurs (loyihasi) ishi yuzasidan keng tasavvurga ega bo‘lsa va tegishli xulosalar chiqara olgan bo‘lsa.
4-baho bilan baholanadi, qachon:
talaba berilgan kurs (loyihasi) ishini nazariy va amaliy jihatdan etarlicha tushungan holda bajargan bo‘lsa;
vazifani bajarishda organik kimyo fanidan olgan bilimlarini qo‘llash haqida tushunchaga umumiy tushunchaga ega bo‘lsa;
kurs (loyihasi) ishi bosqichlarini talab darajasida bajargan bo‘lsa;
kurs (loyihasi) ishi mavzusiga oid adabiyot ma’lumotlarini to‘play olgan va ulardan ayrim xulosalar chiqargan bo‘lsa;
himoya vaqtida ma’ruzasida kurs (loyihasi) ishi mavzusi mazmunini umumiy tarzda ochib bera olsa;
ma’ruza aniq va ravon, ilmiy tilda bayon etilsa;
kurs (loyihasi) ishi himoyasida mavzuga oid berilgan savollarga etarlicha javob bera olsa;
talaba o‘zi bajargan kurs (loyihasi) ishini to‘liq tushungan holda bajargan bo‘lsa.
3-baho bilan baholanadi, qachon:
talaba tanlangan kurs (loyihasi) ishini mazmunini umumiy tushungan holda bajargan bo‘lsa;
vazifani bajarishda organik kimyo fanidan olgan bilimlarini qisman qo‘llay olsa;
kurs (loyihasi) ishi bosqichlarini bosqichma-bosqich bajargan bo‘lsa;
kurs (loyihasi) ishi mavzusiga oid so‘nggi adabiyot ma’lumotlarini to‘plagan va ulardan kurs (loyihasi) ishini bajarishda foydalangan bo‘lsa;
kurs (loyihasi) ishi belgilangan talablar bo‘yicha rasmiylashtirilgan bo‘lsa;
kurs (loyihasi) ishi himoyasi vaqtida o‘z ma’ruzasida mavzu mazmunini umumiy tarzda ochib bera olsa;
ma’ruzada belgilangan reglamentdan chetlanishlarga yo‘l qo‘yilsa;
kurs (loyihasi) ishi himoyasida mavzuga oid berilgan savollarga qisman javoblar bera olsa va javoblarida kamchiliklar bo‘lsa;
talaba o‘zi bajargan kurs (loyihasi) ishi yuzasidan dastlabki tasavvurga ega bo‘lsa va ba’zi xulosalarni chiqara olgan bo‘lsa.
2-baho ball bilan baholanadi, qachon:
talaba tanlangan kurs (loyihasi) ishini mazmunini yoritib bera olmagan bo‘lsa;
vazifani bajarishda organik kimyo fanidan olgan bilimlarini qo‘llay olmagan bo‘lsa;
kurs (loyihasi) ishi bosqichlarini bajarmagan bo‘lsa;
kurs (loyihasi) ishi mavzusiga oid adabiyot ma’lumotlarini etarlicha to‘plamagan bo‘lsa;
kurs (loyihasi) ishi belgilangan talablar bo‘yicha rasmiylashtirilmagan bo‘lsa;
kurs (loyihasi) ishi himoyasi vaqtida o‘z ma’ruzasida mavzu mazmunini ochib bera olmasa;
ma’ruzada belgilangan reglamentdan chetlanishlarga yo‘l qo‘yilsa;
kurs (loyihasi) ishi himoyasida mavzuga oid berilgan savollarga javoblar bera olmasa;
talaba o‘zi bajargan kurs (loyihasi) ishi yuzasidan dastlabki tasavvurga ega bo‘lmasa.
