Tеrmiz davlat univеrsitеti kasbiy ta’lim kafedrasi

AQLIY HUJUM (BREYNSTORMING)

Aqliy hujum – g‘oyalarni generatsiya qilish usuli. Qatnashchilar birlashgan holda qiyin muammoni yechishga harakat qiladilar: uni yechish uchun shaxsiy g‘oyalarni ilgari suradilar (generatsiya qiladilar).

Bu usul barcha funksiyalarni bajaradi: lekin uning asosiy vazifasi – muammoni mustaqil tushunish va yechishga ta’lim oluvchilarni motivatsiyasini uyg‘otishdir.


Usul qoidasi:

1. 
   Bildirilgan har qanday g‘oya va fikrlar qabul qilinadi.
   
2. 
   Bildirilgan g‘oya va fikrlar muhokama qilinmaydi.
   
3. 
   Qancha ko‘p g‘oya va fikr bildirilsa usul shuncha yaxshi chiqadi.
   
4. 
   Bildirilgan g‘oya va fikrlarni to‘ldirish va yanada kengaytirish mumkin.
   
5. 
   G‘oya va fikrlarni bildirish uchun vaqt aniq belgilanadi.
   

Aqliy hujum usuli.

Aqliy hujum biron muammoni yechishda guruh qatnashchilari tomonidan bildirilgan erkin fikr va mulohazalarning to‘plab ular orqali ma’lum bir yechimga kelinadigan eng samarali usuldir. Bu usul orqali shaxsni texnik rivojlantirish mumkin. U to‘g‘ri va ijodiy qo‘llanilganda shaxsiy erkin, ijodiy va nostandart fikrlashga o‘rgatadi.

Bu usulni o‘tkazishdan maqsad: qisqa vaqt ichida ko‘p sonli jadvallar, fikrlar olish mumkin. Muammolarni yechish osonlashadi. Talabalarni xoxish – e’tiborini darsga qaratish bilan birgalikda ularning hayotda orttirgan ayrim bilimlaridan ham foydalanish mumkin.


Aqliy hujum usulini o‘tkazish uchun tavsiyalar:

• 
  Aqliy hujum usuliga shunchalik tayyorlanish kerakki usul davomida mavzuni mazmuni kelib chiqsin.
  
• 
  Guruh talabalariga usulni maqsadi, jarayoni, tartibini tushuntirish kerak.
  
• 
  Hamma so‘z va fikrlar so‘zma so‘z doskaga qoldirmasdan yozilishi kerak.
  
• 
  Fikr bayon etilayotganda o‘qituvchi va talabalar bo‘linmasligi va ta’qiqlanmasliklari kerak.
  
• 
  Qancha ko‘p fikrlar olinsa shunchalik mavzu yaxshi yoritiladi, maqsadga erishiladi.
  
• 
  Muloxaza qilingandan so‘ng oxirga qolgan fikr inobatga olinadi.
  
• 
  Barcha fikrlar aytib bo‘lingandan so‘ng va muloxaza qilish vaqti yakuniy fikrga kelish vaqti o‘zlarini e’tiroz va takliflarini kiritish mumkin.
  
• 
  Usul yakunida doskaga yozilgan barcha fikr va g‘oyalar guruhlarga bo‘linib, o‘ylayotgan mavzuga tegishli fikr jamlanadi va o‘qituvchi qolganlarini to‘ldiradi.