Термиз давлат университети “ЖАҲон тарихи” кафедраси

Фан бўйича талабаларнинг билимига, кўникма ва малакасига
қўйиладиган талаблар

Хорижий мамлакатларнинг замонавий тарихининг турли босқичларида рўй берган муҳим воқеалар ва жараёнларни ёритиб бериш; – инсониятнинг кўп асрлик тараққиётига катта таъсир кўрсатган омилларни таҳлил қилиш; - тарихий ривожланиш давомида турли мамлакатлар ва минтақаларга хос бўлган хусусиятларни очиб бериш; - дунёнинг турли чеккаларида рўй берган воқеалар ва жараёнларнинг кўп ҳолларда ўзаро боғлиқлигини талабаларга тушунтириш; - тарихий ривожланишнинг барча мамлакатлар учун умумий қонуниятлар мавжудлигини намоён қилиш.

“Хорижий мамлакатларнинг замонавий тарихи” ўқув фанини ўзлаштириш жараёнида амалга ошириладиган масалалар доирасида бакалавр:

• 
  воқелик ва жараёнларни таҳлил қила билиш ва улардан тўғри хулосалар чиқара билиш ва улардан фойдалана олиш;
  
• 
  ижимоий-гуманитар фанларнинг ролини англаб олиш кўникмасига эга бўлиш;
  
• 
  талаба ёшларни мустақил ва кенг фикрлаш қобилиятларини ривожлантириш ва юксак маънавиятли инсон бўлишини таъминлаш малакаларига эга бўлиши керак.
  

Фаннинг ўқув режадаги бошқа фанлар билан боғлиқлиги ва услубий жиҳатдан узвий кетма-кетлиги

Талабалар “Хорижий мамлакатларнинг замонавий тарихи” фанини самарали ўзлаштиришлари учун “Ватан тарихи”, “Сиёсатшунослик”, “Маданиятшунослик”, “Халқаро муносабатлар ва дипломатия тарихи”, “Тарих фалсафаси ва методологияси”, “Археология”, “Манбашунослик”, “Тарихшунослик”, “Этнология” ва бошқа фанлардан ҳам етарлича билимларга эга бўлишлари лозим.

Фаннинг ишлаб чиқаришдаги ўрни

Жаҳон халқларининг тарихий ривожланишини босқичма-босқич тарихийлик, илмийлик, холисона ёндашув негизида ўрганиш.

Семинар машғулотлари бўйича мавзулар режаси ва адабиётлар рўйхати талабаларга тақдим этилади ва талаба мустақил тайёрланиб келиб ўз билимини намойиш этади.