Termiz davlat universiteti jahon tarixi kafedrasi muzeyshunoslik va arxivshunoslik

MODULNI O’QITISHDA FOYDALANADIGAN INTERFAOL
TA’LIM METODLARI

Bunday o’qitishda qo’llaniladigan metodlar sirasiga “keys-stadi”, “charxpalak”, “aqliy hujum”, “kichik guruhlarda ishlash”, “ruchka stol ustida”, “FSMU texnologiyasi”, “Bumerang texnologiyasi”, “Ajurli arra”, “kaskad metodi”,”venn diagrammasi”, “Galereya”, “SWOTtahlili”, “baliq skleti”, “nima uchun?”, T-sxemasi texnologiyasi”, “insert texnologiyasi”, “zig-zag metodi”, “blits so’rov”, “davra suhbati”, “munozara metodi”, “tarmoqlar metodi(klaster) va ko’plab metodlarni misol qilib keltirishimiz mumkin.

1. “Keys-stadi” metodi
«Keys-stadi» - inglizcha so’z bo’lib, («case» – aniq vaziyat, hodisa, «stadi» – o’rganmoq, tahlil qilmoq) aniq vaziyatlarni o’rganish, tahlil qilish asosida o’qitishni amalga oshirishga qaratilgan metod hisoblanadi. Mazkur metod dastlab 1921 yil Garvard universitetida amaliy vaziyatlardan iqtisodiy boshqaruv fanlarini o’rganishda foydalanish tartibida qo’llanilgan. Keysda ochiq axborotlardan yoki aniq voqea-hodisadan vaziyat sifatida tahlil uchun foydalanish mumkin. Keys harakatlari o’z ichiga quyidagilarni qamrab oladi: Kim (Who), Qachon (When), Qayerda (Where), Nima uchun (Why), Qanday/ Qanaqa (How), Nima-natija (What).
Keys-stadi (inglizcha sase - to’plam aniq vaziyat stadi -ta’lim) keysda bayon qilingan va ta’lim oluvchilarni muammoni ifodalash hamda uning maqsadga muvofiq tarzdagi yechimi variantlarini izlashga yo’naltiradigan aniq real yoki sun’iy ravishda yaratilgan vaziyatning muammoli-vaziyatli tahlil etilishiga asoslanadigan ta’lim uslubidir.
Keys-stadi - ta’lim axborotlar kommunikatsiya va boshqaruvning qo’yilgan ta’lim maqsadini amalga oshirish va keysda bayon qilingan amaliy muammoli vaziyatni hal qilish jarayonida bashorat qilinadigan o’quv natijalariga kafolatli yetishishni vositali tarzda ta’minlaydigan bir tartibga keltirilgan optimal usullari va vositalari majmuidan iborat bo’lgan ta’lim texnologiyasidir
Keysda tavsiflangan aniq vaziyat o’rganishni voqelikka bog’lab qo’yadi: sizga muammoni hal etish bo’yicha vaziyatni tahlil qilish tahminlarni shakllantirish muammolarni aniqlash qo’shimcha ma’lumotni yig’ish taxminlarni aniqlashtirish va aniq qadamlarni loyihalashtirish imkonini beradi.

“Keys metodi” ni amalga oshirish bosqichlari