Termiz davlat universiteti iqtisodiyot va turizm fakulteti

MUSTAQIL TA’LIMNI TASHKIL ETISHNING
SHAKLI VA MAZMUNI

Mustaqil ta’lim talabaning bajaradigan ilmiy izlanishi bo‘lib, buxgalteriya hisobini o‘rganishda fanning biror bir mavzusini to‘laroq o‘zlashtiradi va mavzu belgilangan shaklda bajariladi. Mustaqil ishni bajarishdan maqsad, talabaning o‘qishi davomida olgan bilimini mustahkamlash, chuqurlashtirish va umumlashtirishdan iboratdir.

Mustaqil ishni tashkil etishning shakli va mazmuni
Mustaqil ta’limning turli xil shakllari mavjud bo‘lib, bunda asosiy e’tibor talabaning berilgan mavzular (amaliy masalalar, topshiriqlar va keys-stadilar)ni mustaqil ravishda, ya’ni auditoriyadan tashkarida bajarishi, o‘qib o‘rganishi va shu yo‘nalish bo‘yicha bilim va ko‘nikmalarini chuqurlashtirishiga qaratiladi. Ushbu shakllarga quyidagilar tegishlidir:

• 
  darslik yoki o‘quv qo‘llanmalar bo‘yicha fanlar boblari va mavzularini o‘rganish;
  
• 
  tarqatma materiallar bo‘yicha ma’ruzalar qismini o‘zlashtirish;
  
• 
  avtomatlashtirilgan o‘rgatuvchi nazorat qiluvchi tizimlar bilan ishlash;
  
• 
  maxsus adabiyotlar bo‘yicha fanlar bo‘limlar yoki mavzulari ustida ishlash;
  
• 
  talabalarning o‘quv-ilmiy tadqiqot ishlarini bajarish bilan bog‘liq bo‘lgan fanlar bo‘limlari va mavzularini chuqur o‘rganish;
  
• 
  keys-stadilar va o‘quv loyihalarini mustaqil bajara olish;
  
• 
  faol va muammoli o‘qitish uslubidan foydalaniladigan o‘quv mashg‘ulotlarini o‘zlashtirish.