Termiz davlat universiteti fuqarolik jamiyati

Маъмурият ишдан бўшатишга розилик олгач, уни амалга ошириш шарт эмас. Маъмурият ўзининг қарорини ўзгартириши мумкин.
Меҳнат шартномасининг тарафлари ҳисобланмаган учинчи шахсларнинг ташаббуси билан, яъни суд, касаба уюшмаси органи, мудофаа ишлари вазирлиги органлари аралашуви натижасида ходимни ишдан бўшатишга тўғри келиб қолиши мумкин. Ходимнинг ғайриқонуний хатти-ҳаракати ишдан бўшатиш учун асос бўлади.
Молия вазирлигининг назорат-тафтиш органларига бошланғич касаба уюшмалари қўмиталари ишдан бўшатиш ҳақидаги масалани қўйишлари мумкин: суд органлари, Мудофаа ишлари вазирлиги органлари, касаба уюшмаси органлари ишдан бўшатишни талаб қилишга ҳақлидирлар. Ана шу органларнинг талабига биноан маъмурият ходим билан тузилган меҳнат шартномасини бекор қилиши шарт. Жумладан, маъмурият касаба уюшмаси органларининг талаби билан муайян тоифадаги раҳбар ходимларни, агар улар меҳнат қонунларини бузаётган, жамоа шартномаси бўйича зиммасига олган мажбуриятларини бажармаётган, тўрачилик қилаётган, сансоларликка йўл қўяётган бўлсалар, ишдан бўшатиш ёхуд эгаллаб турганн лавозимидан олиши шарт.
9-Mavzu:Mehnat nizolari
Reja:

1. 
   Mehnat nizolari tushunchasi.
   
2. 
   Xodimlarning huquq va erkinliklarini qonuniy mustahkamlashda sud va huquqni muhofaza qilish organlarining roli.
   
3. 
   Mehnat nizolarini ko‘rib chiquvchi organlari.
   
4. 
   Mehnat nizolarini sudda ko‘rib chiqish.
   

Mehnat nizolari tushunchasi.
Mehnat nizolari - mehnat to‘g‘risidagi qonunlar va boshqa me’yoriy aktlar, jamoa shartnomasi va mehnat to‘g‘risidagi boshqa bitimlar, shuningdek mehnat shartnomasi kontrakt shartlarining qo‘llanilishi yuzasidan xodimlar bilan ma’muriyat o‘rtasida yuzaga keladigan kelishmovchiliklar va ixtiloflardan iborat.
Mehnat nizolari o‘z mazmuniga ko‘ra jamoaga doir va shaxsga doir mehnat nizolariga bo‘linadi. SHaxsga doir nizolar - muayyan xodim bilan ma’muriyat o‘rtasidagi nizolar bo‘lib, ular, odatda, xodimlarning mehnat munosabatlarini tartibga solib turuvchi me’yoriy hujjatlarni qo‘llash borasida yuzaga keladi.
Jamoaga doir nizolar barcha xodimlarga ta’lluqli bo‘lgan yangi mehnat sharoitlarini joriy qilish yoki mavjud mehnat sharoitlarini o‘zgartirish, shuningdek, ma’muriyatning butun jamoaga nisbatan olgan o‘z majburiyatlarini bajarishi borasida yuzaga keladigan nizolardir.
Mehnat nizolari o‘z xususiyatiga ko‘ra da’vo xarakteridagi nizolar va da’vo xarakteriga ega bo‘lmagan nizolarga bo‘linadi. Da’vo xarakteridagi nizolar mehnat to‘g‘risidagi me’yoriy aktlarni qo‘llash bilan bog‘liq holda yuzaga keladi. Bunday nizo davomida xodim da’vo ariza berish yo‘li bilan o‘z xuquqlarining tiklanishiga harakat qiladi. Ular hamma vaqt shaxsiy xarakterga ega bo‘ladi.
Da’vo xarakteriga ega bo‘lmagan nizolarga amaldagi mehnat shartlarini o‘zgartirish yohud yangi mehnat shartlarini joriy etish bilan bog‘liq holda yuzaga keladigan kelishmovchiliklar kiradi. Ular shaxsiy xarakterga, shuningdek, jamoa xarakteriga ham ega bo‘lishi mumkin.