Termiz davlat universiteti fuqarolik jamiyati

Pedagog xodimlar zimmasiga quyidagi majburiyatlar yuklanadi:

• 
  o‘qitishni kasb jihatdan yuksak saviyada olib borish, ta’lim oluvchilarning o‘quv dasturlarini zarur davlat talablari darajasida o‘zlashtirishlarini ta’minlash;
  
• 
  pedagog odobiga rioya etish, bola, o‘quvchi, talabaning qadr-qimmatini hurmat qilish, ularni mehnatga, qonunlarga, ota-onalarga, ma’naviy, tarixiy, madaniy-milliy qadriyatlarga nisbatan hurmat bilan qarash, atrof-muhitga nisbatan ehtiyotkorlik bilan munosabatda bo‘lish ruhida tarbiyalash;
  
• 
  o‘zining butun faoliyati va shaxsiy namunasi bilan umuminsoniy axloq prinsiplari: adolatparvarlik, vatanparvarlik, hushmuomalalik singari yaxshi xislatlarga nisbatan hurmat bilan qarashni qaror toptirish;
  
• 
  yosh avlodni o‘zaro bir-birini tushunish, jamiki etnik, milliy diniy guruhlar o‘rtasida tinchlik, hamjihatlik o‘rnatish ruhida tarbiyalash;
  
• 
  bolalarni, yoshlarni zo‘ravonlik ko‘rinishlaridan himoya qilish;
  
• 
  o‘zining kasbiy malakasi va pedagogik mahoratini muttasil takomillashtirib borish.
  

Ta’lim muassasalarining nizomlarida boshqa majburiyatlar ham belgilab qo‘yilishi mumkin. Jumladan maktab direktori o‘qituvchi zimmasiga: dars berish; ishiga qo‘shimcha ravishda sinf rahbarligini; o‘quv kabineti mudirligini; o‘quv-tajriba uchastkasi rahbarligini; o‘quv ustaxonalari ustasi vazifasini bajarishni; mehnat ta’limini tashkil etishni; shuningdek boshqa xil ta’lim-tarbiyaviy vazifalarni bajarishni ham yuklashi mumkin. O‘qituvchilar sinfdan tashqari va maktabdan tashqari tarbiyalarda bolalarning hayoti hamda sog‘lig‘i uchun to‘la javobgar hisoblanadilar.
Pedagog xodimlar uch yilda bir marta attestatsiyadan o‘tadilar. “Ta’lim to‘g‘risida”gi qonunning 5-moddasiga binoan pedagogik faoliyat bilan shug‘ullanish huquqiga quyidagilar kiradi:

1. 
   bilim olish huquqi;
   
2. 
   davlat va nodavlat ta’lim muassasalarini rivojlantirish;
   
3.