Termiz davlat universiteti fuqarolik jamiyati

Касаба уюшмаларининг педагог ходимларнинг меҳнатини муҳофаза қилишдаги асосий функциялари.
Касаба уюшмаси қўмитасининг олдиндан розилигини олмасдан маъмурият ташаббуси билан ишдан бўшатишга йўл қўйилмайди. Қуйидаги ҳоллар бундан мустасно:

• 
  корхона, муассаса, ташкилот тугатилганда;
  
• 
  ишга қабул қилиш пайтида белгиланган синов натижаси қониқарсиз топилганда;
  
• 
  ўриндошлик тарзида ишламайдиган бошқа ходимнинг ишга қабул қилиниши муносабати билан ўриндошлик асосида бажарилаётган ишдан, шунингдек қонунга кўра ўриндошлик асосидаги иш чекланиши муносабати билан бўшатилганда;
  
• 
  илгари шу ишни бажариб келган ходим ишга қайта тикланганда;
  
• 
  касаба уюшмаси мавжуд бўлмаган корхонадан ишдан бўшатилганда;
  
• 
  корхона, муассаса, ташкилотларнинг раҳбарлари, уларнинг ўринбосарлари, давлат ҳокимияти ва бошқарув органлари, шунингдек жамоат ташкилотлари ва фуқароларнинг бошқа бирлашмалари лавозимга сайлаб, тасдиқлаб ёки тайинлаб қўядиган раҳбар ходимлар ҳар қандай асос бўйича ишдан бўшатилганда.
  

Маъмурият касаба уюшмаси қўмитаси ходимни ишдан бўшатишга розилик беришини илтимос қилиб ёзма равишда мурожаат қилади. Касаба уюшмаси қўмитаси ҳам мазкур масала юзасидан қабул қилган қарори ҳақида ўн кунлик муддат ичида маъмуриятни ёзма равишда хабардор қилиши лозим.
Касаба уюшмаси қўмитаси маъмуриятнинг илтимосини кўриб чиқиш чоғида ишнинг холатини фақат қонунийлиги нуқтаи назаридангина эмас, балки мақсадга мувофиқлиги нуқтаи назаридан ҳам текшириб чиқади. Касаба уюшмаси қўмитасининг ишдан бўшатишни рад қилиши узил-кесил ҳисобланади ва юқори турган касаба уюшмаси органи томонидан бекор қилиниши ёхуд қарор билан ўзгартирилиши мумкин эмас.
Маъмурият касаба уюшмаси қўмитасининг розилигини олган кундан бошлаб, узоғи билан бир ой мобайнида интизомни бузганлиги учун ишдан бўшатишда ножўя ҳаракат қилганлиги аниқланган кундан бошлаб бир ой муддат давомида меҳнат шартномасини бекор қилишга ҳақли. Агар бир ой давомида буйруқ чиқарилмаса, иккинчи марта касаба уюшмасига мурожаат этиш зарур, иккинчи ой ҳам ўтказиб юборилган тақдирда эса ишдан бўшатиш ҳуқуқи умуман ўз кучини йўқотади.