Термиз давлат университети «ахборот технологиялари» кафедраси

Ахборот тизимлар ва ресурслар.
Ахборотлаштириш тўғрисидаги қонунда берилган асосий тушунчаларга кўра:

• 
  ахборот ресурси — ахборот тизими таркибидаги электрон шаклдаги ахборот, маълумотлар банки, маълумотлар базаси;
  
• 
  ахборот тизими — ахборотни тўплаш, сақлаш, излаш, унга ишлов бериш ҳамда ундан фойдаланиш имконини берадиган, ташкилий жиҳатдан тартибга солинган жами ахборот ресурслари, ахборот технологиялари ва алоқа воситалари.
  

Локал, корпоратив ва глобал ахборот тизимлар.
Ахборот тизими тушунчаси бу инсон фаолиятининг маълум бир сохасида ахборотни тўплаш, сақлаш, излаш, унга ишлов бериш хамда ундан фойдаланиш имконини беришни ташкиллаштиришни ўз ичига олади.
Автоматлаштирилган ахборот тизими (ААТ) – бу ахборотни тўплаш, киритиш, қайта ишлаш, сақлаш ва ахборотни фойдаланувчига етказиб бериш босқичида компьютер базасини қўлловчи ахборот тизимидир. Ахборот тизимларини қуриш принциплари ва архитектураси нисбатан доимий хисобланади, аммо фаолият турлилиги, замонавий ахборот технологияларининг қўлланилиш шакллари, ахборот технологияларининг синфланишининг усуллари кўп турлилигини туғдиради.
Ахборот тизимлари масштаби бўйича ягона, гурухли, корпоратив ва глобал ахборот тизимларига бўлинади.
Ягона ахборот тизимлари автоном компьютерда ташкил этилади (тармоқдан фойдаланилмайди). Бундай тизимлар умумий ахборот фонди билан боғланган бир қанча содда дастурлардан иборат бўлиб, бир вақтнинг ўзида фақат битта фойдаланувчи фойдаланишига мўлжалланган. Бундай тизимлар локал маълумотларни бошқариш тизимлари ёрдамида яратилади. Шундай маълумотлар базаларига мисоллар: Clarion, Clipper, FoxPro, Paradox, dBase и Microsoft Access.
Гурухли ахборот тизимлари ахборотдан ишчи гурух аъзолари томонидан жамоа бўлиб фойдаланишга асосланган бўлиб локаль хисоблаш тармоқлари базасида қурилади. Бундай тизимларни яратишда ишчи гурухлар учун мўлжалланган маълумотлар базалари серверларидан фойдаланилади (SQL-серверлар). SQL-серверларнинг етарлича турлари мавжуд: тижорат ва эркин. Булардан энг таниқлилари Oracle, DB2, Microsoft SQL Server, InterBase, Sybase, Informix.