Термиз давлат университети «ахборот технологиялари» кафедраси

Фойдаланувчининг шахсий кабинети. Профилда шахсий маълумотларни таҳрирлаш имконияти мавжуд. Менинг аризаларим бўлимида юборилган аризалар рўйхати, уларнинг ҳолати ва уларга берилган жавоб хатлари билан танишиш имконияти мавжуд (6.6.-расм).

6.6.-расм. Менинг аризаларим бўлимида юборилган аризалар рўйхати
Шунингдек, фойдаланувчи (фуқаро) шахсий кабинетига кириб, онлайн тарзда солиқ ва коммунал хизматларида қарзларнинг мавжудлиги, йўл ҳаракати қоидалари бузилиши ҳақидаги жарималар, шахсий нафақа ва суғурта бадаллари тўғрисидаги маълумотларни олиш мумкин. Бундан ташқари, фойдаланувчилар (фуқаролар) учун Ягона порталнинг энг қулай томони бу давлат органларига бевосита электрон мурожаат қила олиш имконияти борлигидир. Турли давлат хизматлари учун мурожаат қилишлари мумкин. Бу фуқароларга анча қулайликлар яратади. Агар илгари ёзилган мурожаатни чоп этиб, конвертга солиб, почтадан юбориб ёки бевосита фуқаронинг ўзи ўша мурожаат хатини давлат органи биносига олиб бориб бериб, ортиқча ҳаражат ва ҳаракат, асосийси қимматли вақтни йўқотган бўлса, эндиликда уйда ўтирган ҳолда ҳам, кўчага бир қадам чиқмасдан тегишлича шикоят қилиш, ариза ёки таклиф бериш имконияти мавжуд.
Масалан: Кўчмас мулкни сотиб олиш ва сотиш билан боғлиқ битимларни нотариал тасдиқлаш, турли гувоҳномалар олиш (судланганлик, маошни тасдиқлаш, иш стажи ва ҳоказо), божхона ва бошқа хизматлар. Хизмат кўрсатиш натижаларига кўра, ЯИДХП орқали электрон ҳужжат (маълумотнома, гувоҳнома, хулосани ва ҳоказо) шаклллантирилади ва репозиторийга жойлаштирилади, бу орқали ҳужжатнинг қоғоз нусхаси олиш учун идораларга боришга ҳожат қолмайди.
Биз юқорида оддий фуқаро учун маълумот бердик. Энди эса, тадбиркорнинг шахсий кабинетида қандай маълумотлар бўлиши мумкин деган саволга жавоб берайлик? Тадбиркорнинг шахсий кабинетида солиқлар тўғрисидаги маълумотларни кўриш ва тўлаш, текширишлар ҳақида маълумот олиш, шахсий жамғариб бориладиган пенcия ҳисоб варағи ҳисоботини топшириш, олинган лицензияларнинг муддатини кузатиб бориш ва муддатини узайтириш имконияти мавжуд.
Онлайн тарзда тадбиркорликни рўйхатга олиш хизматининг мавжудлиги тадбиркорлар учун кенг имкониятлар очди.
Бизнесни очиш ҳар қачонгидан ҳам осонроқ бўлди! Бунинг учун сиз бирон-бир жойга боришингизга ҳожат йўқ, бизнесни рўйхатга олиш учун махсус тизимда бир неча оддий қадамни амалга оширинг. Бутун жараён 30 дақиқадан ошмайди, тўловнинг қиймати анъанавий усулга нисбатан икки баравар арзон! Бизнесни рўйхатдан ўтказиш усуллари 2 турга бўлинади: Шахсан келган ҳолда; Интернет тармоғи орқали.
Янада кўпроқ маълумотга эга бўлмоқчимисиз, унда бу имкониятлардан фойдаланиш учун Ягона интерактив давлат хизматлари порталидан рўйхатдан ўтишингиз лозим. Ягона интерактив давлат хизматлари порталида юридик шахс кабинетига кириш бўйича йўриқнома келтирилган бўлиб, уни ўрганиб чиқиш тавсия этилади.
Ягона интерактив давлат хизматлари портали хизматларидан юридик шахс сифатида фойдаланиш учун фойдаланувчилар дастлаб OneID тизимида жисмоний шахс сифатида kорхонанинг раҳбарини ёки унинг номидан фаолият олиб бориш ҳуқуқига эга корхона вакилини* рўйҳатдан ўтқазиш лозим.
Корхонанинг раҳбари ёки унинг номидан фаолият олиб бориш ҳуқуқига эга корхона вакили маълумотлари Давлат солиқ инспекциясига тақдим этиладиган 8 –шаклда кўрсатилган бўлиши керак.
Жисмоний шахс сифатида рўйҳатдан ўтқазилгандан сўнг, OneID (id.gov.uz) даги аккаунтга кириш ва 6.7., 6.8.-расмларда келтирилган амалларни бажариш лозим.

6.7.-расм. Шахсий маълумотлар ЭРИ орқали тасдиқланган ҳолатда бажариладиган вазифалар

6.8.-расм. Шахсий маълумотлар тасдиқланмаган ҳолатда бажариладиган вазифалар
Ягона портал орқали фойдаланувчига бир томонлама ва икки томонлама шаклдаги интерактив давлат хизматлари, шунингдек давлат органлари томонидан кўрсатиладиган транзакцион хизматлар кўрсатилади.