Термиз давлат университети «ахборот технологиялари» кафедраси

Ягона порталнинг мақсади:

• 
  ариза берувчиларга давлат органлари томонидан электрон давлат хизматларини кўрсатишни таъминловчи ахборот тизимларининг сифатли ва узлуксиз фаолият кўрсатишини таъминлаш;
  
• 
  давлат органлари фаолиятининг самарадорлигини, тезкорлигини ва шаффофлигини таъминлаш, аҳоли ва тадбиркорлик субъектлари билан ахборот алмашувини таъминлашнинг қўшимча механизмларини яратиш орқали уларнинг масъулиятини ва ижро интизомини кучайтириш.
  

Ягона порталнинг вазифаси:

• 
  ариза берувчиларга электрон давлат хизматларидан кафолатланган ва хавфсиз фойдалана олишларини таъминлаш;
  
• 
  электрон давлат хизматлари олиш учун сўровларни ва бошқа ҳужжатларни йўллаш ҳамда электрон давлат хизматлари кўрсатиш натижасини қабул қилиш;
  
• 
  давлат органларига электрон давлат хизматларидан фойдаланиш юзасидан сўровларни қабул қилиш, кўриб чиқиш ва натижасини ариза берувчиларга юбориш имкониятини яратиш;
  
• 
  тўлов тизимларидан фойдаланган ҳолда онлайн-тўлов имкониятларини амалга ошириш;
  
• 
  электрон давлат хизматлари кўрсатишнинг ҳолати ва боришини кузатиш;
  
• 
  электрон ҳужжатларни шакллантириш, сақлаш ва уларнинг ҳақиқийлигини текшириш;
  
• 
  келиб тушган сўровлар ва кўрсатилган электрон давлат хизматлар асосида статистик маълумотларни шакллантириш.
  

Амалий қисм:
Ягона порталда рўйхатдан ўтиш усуллари.
Ягона портал хизматларидан фойдаланиш учун кириш ҳуқуқига эга бўлиш лозим. Кириш 4 хил усулда амалга оширилади:

1. 
   Порталдаги логин орқали;
   
2. 
   UzCARD ёрдамида;
   
3. 
   ID.UZ – идентификациялашнинг ягона тизими орқали;
   
4. 
   Электрон рақамли имзо орқали.
   

Агар бу кириш ҳуқуқларига эга бўлмасангиз, у ҳолда Ягона портал хизматидан фойдаланган ҳолда рўйхатдан ўтишингиз зарур.

6.2.-расм. Ягона интерактив давлат хизматлар порталининг эски талқини.
Портал интерактив хизматларидан фойдаланиш учун кириш усуллари.

Мисол қилиб порталдан тўлақонли фойдаланиш ҳамда давлат органларига мурожаат қилиш учун ID.UZ – идентификациялашнинг ягона тизими орқали рўйхатдан ўтишни кўриб чиқамиз. Дастлаб ID.UZ – идентификациялашнинг ягона тизимидан рўйхатдан ўтилади (6.3.-расм).

6.3.-расм. Ягона порталда ID.UZ да рўйхатдан ўтиш.
ID.UZ- идентификациялашнинг ягона тизими орқали рўйхатдан ўтиб, сўнг ягона порталга кираётганда айнан ўша ID профил орқали тизимга маълумотлар киритилади.

6.4.-расм. Портал хизматларидан фойдаланиш учун ID.UZ орқали кириш усули.
Шундан сўнг, фойдаланувчи кабинети очилади. У ерда Профил, Юридик шахс, Менинг аризаларим, Менинг қораламаларим, Менинг маълумотларим каби бўлимлар мавжуд (6.5.-расм).

6.5.-расм.