Термиз давлат университети «ахборот технологиялари» кафедраси

Электрон почта сервери – хабарларни жўнатиш ва қабул қилишни таъминлаш

Электрон почта клиенти – хабарларни яратиш, ўқиш ва жавоб қайтариш

Электрон почта хизмати қуйидаги имкониятларни тақдим этади:

• 
  Хабарларни тезкор алмашиш (бир неча дақиқа)
  
• 
  Хабарларга қўшимча маълумотларни илова қилиш
  
• 
  Хабарларга расм ва мультимедиа маълумотларини жойлаштириш
  
• 
  Хабарларни бир гурух фойдаланувчиларга узатиш
  
• 
  Хабарларни қидириш ва сақлаш
  

Хабарларнинг турлари. Хабарлар турли кўринишда бўлиши мумкин масалан: матн, график, расм, овоз ва видео маълумотлар. Юборилиши режалаштирилаётган маълумотларнинг ҳажми бўйича ҳам чегараланиш мавжуд. Ҳар бир почта провайдери ўзининг сиёсатига эга бўлиб битта хабарнинг 2, 5, 10 Мб ҳажмгача бўлган хабарларни юборишни таъминлайди. Агарда бу ҳажм ошиб кетса катта ҳажмдаги хабарларни Rar ёки Zip дастурлари ёрдамида архивлаб юбориш тавсия этилади.
Почта рўйхати. Почта рўйхатлари одамларнинг гуруҳларга бирлашиши ва бирон мавзуни электрон почта ёрдамида очиқ муҳокама қилиш имконини беради. Почта рўйхатига қўшилгач, сиз жўнатган ҳар бир хабар рўйхатдаги барча манзилларга етказилади.
Почта рўйхатига қўшилиш учун унга аъзо бўлиш керак. Бунинг учун почта рўйхати администратори (маъмур)га бу ҳақида электрон хабар жўнатиш керак бўлади. Рўйхатдан чиқиб кетиш учун ҳам бу ҳақида рўйхат маъмурига хабар жўнатиш керак бўлади.
Почта рўйхати - аслида унга аъзо бўлганларнинг электрон манзилларидан тузилган маълумотлар омбори бўлиб, сиз рўйхатга аъзо бўлсангиз, сизнинг манзилингиз ҳам бу омборга киритилади. Рўйхатдаги манзилларга янги хабарни етказиш керак бўлганда, компьютер маълумотлар омборидан манзиллар рўйхатини олади ва ундаги ҳар бир манзилга хабарни жўнатади. Баъзи почта рўйхатларининг аъзолари жуда фаол бўлиб, улар ҳар куни ўнлаб хабарлар жўнатишлари мумкин. Шунинг учун ҳам почта қутисини тез-тез текшириб туриш ва унда йиғилиб қолган хабарларни ўқиб бўлгач, ўчириб ташлаш тавсия қилинади. Акс ҳолда почта сервери уларни қайта ишлашга қийналади ва бу нарса сизга ҳам билинади. Кўп хабарлар рўйхатини тузиш ва уларни сизга жўнатиш кўпроқ вақт талаб қилади ва сиз узоқроқ вақт кутишга мажбур бўласиз.