Иккинчи босқичда - фойдаланувчи ҳукумат сайтлари орқали махсус ва доимий равишда янгиланиб борувчи маълумотларни олади. Бу ерда ҳукумат нашриёти, меёрий-ҳуқуқий хужжатлари, хужжатлар шакллари, статистик ва иқтисодий маълумотлар ва янгилик хабарларини олиш мумкин. Тармоқда ҳукумат агентликларининг сони ошиб бормоқда, натижада ҳар бири билан боғланиш имконияти юзага келади. Электрон манзиллар, қидирув тизимлари ҳақидаги хабарлар, изоҳлар ва фикр мулоҳазаларини жўнатиш имкони юзага келмоқда.
Учинчи босқичда – фуқаролар ва ҳукумат тузилмалари ўртасидаги ўзаро муносабатларни изчиллиги, аҳолига интерактив хизмат кўрсатиш имкониятларини ошиб бориши билан характерланади. Хусусан, онлайн режимида кўчмас мулклар ва ер майдонлари, солиқ декларицияларини тўлдириш, рухсат олиш учун аризалар бериш давлат хизматларини кўрсатиш мумкин. Миллий ҳукумат веб сайтлари асосан портал кўринишида бўлиб, фойдаланувчини тўғридан-тўғри вазирликлар, департаментлар ва агентликлар билан боғлайди. Фуқаролар ва провайдер хизмати ўртасидаги ўзаро муносабат тармоқ фойдаланувчисининг тўғридан-тўғри ўзини қизиқтирган ва эҳтиёжи бўлган ахборот манбаига мурожаат этиш ва олиш имконини беради. Фойдаланувчи тармоқ орқали махсус маълумотларни олиши, турли жадвал ва бланкаларни тўлдириши ёки имзолаши, учрашув келишувларини белгилаши мумкин.
Тўртинчи босқичда – фойдаланувчи тармоқ орқали хужжатлари олиши ва келишувларни амалга ошириши мумкин. Фуқаролар виза, паспорт, туғулганлик ёки улганлик ҳақида гувоҳнома, лицензия, рухсатнома ва бошқа транзакция хизматларидан фойдаланиши мумкин. Ҳукумат порталлари асосан аҳолига хизмат кўрсатишни ўзига мақсад қилиб олган. Фуқаролар тармоқ орқали солиқ тўлашлари, автомобилларини рўйхатга қўйишлари мумкин. Бу босқичда электрон рақамли имзодан фойдаланиш инобатга олинади.
Бешинчи босқич – интеграллашган ҳукумат портали бўлиб тармоқ орқали аҳолига хизмат кўрсатади ва фойдаланувчи ихтиёрий хизматни тезда олади. Электрон ҳукумат технологиянинг ривожланиши билан ҳамнафас ҳолда сиёсатни фақат шаклан эмас, балки мазмунан ҳам оммавий бошқаришни таъминлайди. Бугунги кунда давлат бошқарув органларида электрон хужжат айланиш тизими, ходимларни ҳисобга олишнинг автоматлаштирилган жараёнлари, молиявий ва бухгалтерлик ҳисоблар, бошқарув қарорларини қабул қилиш тизими яратилмоқда, ҳамда ҳудудий тармоқ тизимининг шаклланиши давом этмоқда.
Инновацион технологиялар асосида электрон ҳукуматни модернизациялашда электрон ҳукумат тизимини яратишнинг ташкилий ва ҳуқуқий асослари, интерактив хизмат турлари, давлат бошқарувида аҳолининг иштирок этиш имкониятлари, ҳукумат порталлари ва веб-сайтлари, уларга мурожаатлар, электрон хужжат айланиши, давлат бошқарув органлари тузилмалари, электрон ҳукумат моделлари, давлат секторларида ахборот-коммуникация технологияларидан самарали фойдаланиш, инфраструктуранинг шаклланганлик ҳолати, давлат бошқаруви органлари фаолиятида изчиллик ва шаффофликни, давлат ва ҳукумат қарорлари ижросини ўз вақтида бажарилишини таъминлаш усулларини ўзлаштиришни талаб этади.
Do'stlaringiz bilan baham: |