Термиз давлат университети «ахборот технологиялари» кафедраси

<<7>>
Электрон ҳукуматнинг яратилиш концепцияси.
Электрон ҳукумат яратишнинг асосий вазифаси – сервис ва сервис хизматини кўрсатиш учун инфраструктура яратишдан иборат.
Электрон ҳукуматни жорий этилиши аҳоли ва давлат ўртасидаги муносабатларни мутадиллаштиради, халқнинг давлатдан норозилигини камайтиради, электрон мулоқот туфайли бутун жамият ва давлат ўртасидаги сиёсий қарама-қаршиликларга барҳам берилади. Натижада давлат бошқарувининг Интернет орқали ўзаро муносабатда бўлувчи барча тузилмалар ва жамоат институтлари, давлат хизматчилари, тижорат, етакчи фуқаролар, таълим ва тадқиқот институтлари, жамоат ташкилотлари, фуқаролик ташкилотларининг янги тузилмаси ҳосил бўлади.
<<8>>
Электрон ҳукумат интерактив хизмати ахборот ресурслари асосида хужжатларни шакллантириш.
Давлат бошқарув идоралари интерактив хизматларининг ҳозирги кунда бир неча тури мавжуд бўлиб, улардан қуйидагиларни мисол сифатида келтириш мумкин:

• 
  пул курсининг бошқа бир курсларга нисбатан фарқини “online” режимда аниқлаш хизмат тури, фойдаланувчиларга маълум бир тўловларни бошқа бир валютада тўлашда мазкур пул бирлигининг амалдаги пул бирлигига (ёки аксинча) нисбатан қанча бўлишини тез ва аниқ ҳисоблаб беради;
  
• 
  хизмат юзасидан керакли бўлган ташкилотларни тезда топиш. Бунда фойдаланувчи жамиятда муҳим ўрин эгаллайдиган ва ўзининг иш фаолиятига таалуқли ташкилотларнинг манзиллари ва телефон рақамларини олиши мумкин. Асосан фойдаланувчи ўз эҳтиёжларидан келиб чиқиб, маълум бир манзилни қидиради ва бунинг учун етарлича муаммо туғилади. Мазкур муаммони ижобий ҳал қилиш мақсадида “online” тарзидаги давлат интерактив хизматларидан фойдаланиш мақсадга мувофиқдир;
  
• 
  “online” тест – талабалар билимини “online” режимда баҳолаш бўлиб, ҳар бир мижоз ўз билимини исталган фан бўйича текшириб кўриш имкониятига эга бўладилар. Бу орқали фойдаланувчилар билим савияларини аниқлаб олиш мумкин;
  
• 
  матбуот хизматларидан фойдаланувчилар учун босмахона шартлари билан танишиш ва улардан фойдаланиш;
  
• 
  метро картаси, маълум бир бекатдан бошқа бир бекатга боришни оптимал вақт ва кўчишлар орқали амалга оширишга ёрдам беради;
  
• 
  онлайн қабул, корхона ва ташкилотларга ишга қабул қилиш ташкил этиш ва бўш иш жойларини онлайн орқали аниқлашлари мумкин;
  
• 
  онлайн анкета, бунда ҳар бир корхона ички шартлари ва турли сўровларнинг электрон кўринишдаги талабларини ишга жойлашишни хоҳловчилар олиши мумкин.