Термиз давлат университети «ахборот технологиялари» кафедраси

<<3>>
Корея Республикаси электрон ҳукумат тизимида фаолиятининг статистик кўрсаткичлари.
Жанубий Корея ҳукумати электрон демократия моделини шакллантиришда асосий эътиборни аҳолининг ахборотга бўлган барча эҳтиёжларини АКТ ёрдамида қондиришга ва АКТни маданият ва таълим тизимларига жорий этишга қаратди. Электрон демократиянинг муваффақиятли ривожланиши Жанубий Корея фуқароларига уларнинг муҳим ўринга эга эканликлари ва ҳақиқатдан ҳам давлат ва жамият ҳаётига таъсир ўтказа олишлари тўғрисидаги фикрни ўзларига сингдиришларига имкон берди.
Электрон хизматларни ривожлантириш соҳасидаги амалга оширилган узоқни кўра билган чуқур ўйланган ва ички имкониятлар тўғри баҳоланган давлат сиёсати Жанубий Корея тажрибасининг энг муҳим ва фойдали қиррасидир. Бутун давлат миқёсида ягона ахборот маконининг яратилиши нафақат ҳокимият имкониятларини кучайтиради, балки демократиянинг асосий “халқ давлат ҳокимиятининг бирдан-бир манбаи ва ташувчиси” тўғрисидаги тамойилининг амалий ифодаси бўлиб хизмат қилади. Жанубий Корея ҳар йили Интернетнинг ўртача тезлиги ва шунингдек аҳолининг кенг полосали тармоқ билан таъминланганлик даражаси бўйича дунё миқёсида биринчи ва иккинчи ўринларни эгаллайди. Бир неча йиллар аввал мамлакатнинг давлат секторида 100 % лик электрон ҳужжат айланиш тизими жорий этилган эди. Фақатгина вазирлар ва улардан юқори даражадаги ҳужжатлар ва маълумотномаларгина қоғоз шаклида тайёрлана бошланди.
Электрон ҳукумат яратишнинг Осиё модели ғоясига асоланган яна бир давлат Сингапур ҳукуматидир. Сингапур ҳукумати узоқ, истиқболда ўзларига нисбатан катта табиий бойликлар ҳамда ишлаб чиқариш баҳоси пастроқ бўлган мамлакатлар билан рақобат қила олмай қолишини тушунганлиги сабабли келажакда юқори технологияларга асосланган иқтисодиёт яратишга ҳаракат қилмоқда. Инновация фаолиятини рағбатлантириш мақсадида Сингапур ҳукумати илмий ҳамда тажриба конструкторлик инфртузилмасини яратди, интеллектуал мулк ҳуқуқлари ҳимоясини кучайтирди, янгиликларни яратиш ва жорий этиш ҳамда бюрократик тўсиқларни камайтиришга маблағ ва куч сарфламоқда, электрон тижорат ривожланиши учун қулай шароитлар яратмоқда.

Расм 8.1. - Корея Республикасининг ҳудудларни ахборотлаштириш бўйича асосий тизимлари

Расм 8.2 - Корея Республикасининг ҳудудларни ахборотлаштириш бўйича асосий тизимлари: Ҳисобот тизими
Корея электрон ҳукумати кўпгина халқаро иқтисодий кўрсаткичлари бўйича қатор давлатлар учун омадга эришган амалиёт тизими сифатида таън олинган. Ушбу тизим кетма – кет алмашган президентлар бошқаруви остида уч босқичли шакллантириш асосида тизим юқори натижаларга эришди. Бундан ташқари керакли, кузатишлар ва мақсадлар асосида самарадорликка ва унумдорликка эришиш орқали ривожланишига сабаб бўлди. Тизим ривожланган сари бэк – офис, фронт – офис хизматилари шаклланган ва бутун ишлаб чиқариш давомида талаб ва таклиф асосида доим ўзгарувчи электрон ҳукумат инфратузилмаси шаклланиб борди. Оммавий ижтиомий хизматларнинг кенгайиши ва маъмурий жараёнидаги шаффофлик, шунингдек демократик ҳукуматни танланиши электрон ҳукумат тизимининг ривожланишига сабаб бўлди. Бундай тезкор ривожланиш мос ташкилотлар: техник томондан ахборотлаштириш ва Алоқа вазирлиги қошидаги Тармоқларга таъминлаш ва қўллаб қувватлаш Фонди ва Жамиятни ахборотлаштирилганлиги бўйича Миллий Агентилиги томонидан таъминлаш ҳисобига ва молиявий манбаларнинг эгилувчан тақсимиланиши эвазига эришилган. Жанубий кореялик экспертларнинг фикрига кўра, Корея тажрибасидан фойдаланиб, уларнинг хатолари такрорланмаса ва мамлакатимизда мавжуд потенциалдан тўғри фойдаланилса, яқин йилларда мамлакатимизда электрон ҳукумат тизимини тўлиқ жорий этилишига эришиш мумкин.