Термиз давлат университети «ахборот технологиялари» кафедраси

Амалий қисм:
ZiyoNet ахборот-таълим порталида рўйхатдан ўтиш.
ID.UZ – идентификациялашнинг ягона тизими орқали рўйхатдан ўтиш учун порталнинг юқори ўнг бурчагида жойлашган “Рўйхатдан ўтиш” тугмасига сичқонча тугмасини чертинг. Сўнгра, ID.UZ – мулоқот ойнасида тўлдирилиши лозим бўлган майдонларга маълумотларни киритинг.
ID.UZ- идентификациялашнинг ягона тизими орқали рўйхатдан ўтиб, сўнг порталга айнан ўша ID профил орқали киринг.
ID.UZ тизимидан рўйхатдан ўтган фойдаланувчиларга ZiyoNet портали ўз имкониятларини намоён қилишлари учун барча шароитларни яратиб беради. Жумладан:

1. 
   ZiyoNet порталининг кутубхонасига ахборот - таълимий маълумотларни жойлаштириш;
   
2. 
   Учинчи даражали «zn.uz» доменида сайт-сателитларни яратиш;
   
3. 
   ZiyoNet порталининг ёпиқ бўлимларига кириш ва у ердан маълумот олиш;
   
4. 
   ZiyoNet ахборот ресурс тармоғининг турли танловларида қатнашиш.
   

ZiyoNet тармоғига уланиш
Ҳукумат қарорига мувофиқ барча таълим муассасалари (уланиш объектлари) ZiyoNet ахборот таълимий портали негизида бирлашишлари керак.
Таълим муасасаларининг интернетга уланишларида ОЎМТВ, ЎМКТМ, ХТВ масъул ва молиявий жиҳатдан таъминловчи ҳисобланадилар.
ZiyoNet тармоғининг ресурс маркази танлов ҳайъатининг ишловчиси сифатида интернет тармоғига уланишга оид барча танловларни ва уланиш жараёни мониторингини ўтказиб келмоқда. Таълим муассасаларини интернет тармоғига уланишларига оид барча саволлар билан масъул Вазирлик ва бошқармаларга, ZiyoNet тармоқининг провайдерларига мурожаат этишингиз, шунингдек, форумда қолдиришингиз мумкин.
ZiyoNet таълимий тармоғига уланувчи муассаса танлов ғолиб-провайдерининг қуйидаги бепул хизматларидан фойдаланиши мумкин:

• 
  Интернет (TAS-IX орқали) тармоғининг Ўзбек сегментидан 128 кбит/сек тезлигида исталган миқдорда фойдаланиш;
  
• 
  Ички Интернетнинг ажратилган лимит трафикидан фойдаланиш (Ички Интернетдан фойдаланаётган уланиш объектига трафикда белгиланган устки лимит бўйича ҳақ тўлаш;
  
• 
  Қўшимча хизматлар.
  

ZiyoNet тармоғига таълим муассасаларини уланишларини молиялаштириш Ўзбекистон Республикаси Молия Вазирлиги томонидан амалга оширилади.