Термиз давлат университети «ахборот технологиялари» кафедраси

Порталнинг эски талқини. Ўзбекистон Республикасида "электрон ҳукумат" тизимининг энг муҳим воситаларидан бири бўлган Ягона интерактив давлат хизматлари портали 2013 йилнинг 1 июлида ишга туширилди (www.my.gov.uz).
Ягона порталнинг шиори "Хизматлар янги қиёфада" деб номланиб, унинг маъноси реал вақт режимида фойдаланувчилар учун интерактив давлат хизматларини ягона нуқта орқали тақдим этишни англатади.
Ёдда тутмоқ лозим, Ягона портал давлат органлари томонидан кўрсатиладиган электрон давлат хизматларидан фойдаланишнинг ягона нуқтаси ҳисобланади.
Ариза берувчиларнинг ахборотга эҳтиёжларини қондиришга қаратилган, давлат органининг фаолияти тўғрисидаги ахборотни эълон қилиш ва бошқача тарқатиш йўли билан кўрсатиладиган электрон давлат хизмати ахборот давлат хизмати ҳисобланади.
Ариза берувчига ушбу шахс ва электрон давлат хизматлари кўрсатувчи давлат органи ўртасида икки томонлама электрон ҳамкорлик йўли билан кўрсатиладиган электрон давлат хизмати интерактив давлат хизмати ҳисобланади.
Ягона порталдаги шахсий кабинетга кириш қонунчиликда белгиланган тартибда Ягона идентификациялаш тизими орқали амалга оширилади.
Электрон давлат хизматлари олиш учун сўровлар ариза берувчининг шахсий кабинети орқали юборилади.
Порталнинг янги талқини - Ўзбекистон Республикаси ВМнинг 2017 йил 15 сентябрдаги 728-сон Қарори асосида иш юритади. Бугунги кунда Ягона портал орқали фойдаланувчиларга 220 дан ортиқ хизматлар тақдим этилмоқда.

10.3.-расм. Ягона интерактив давлат хизматлари порталининг янги талқини (https://my2.gov.uz/)
Ўзбекистон Республикаси ВМнинг 2017 йил 15 сентябрдаги 728-сон Қарорида 3 та илова келтирилган. Иловаларнинг биринчиси “Ўзбекистон Республикаси Ягона интерактив давлат хизматлари портали тўғрисида”ги Низомдир. Ушбу Низом Ўзбекистон Республикаси Ягона интерактив давлат хизматлари порталининг (кейинги ўринларда Ягона портал деб аталади) мақсадини, вазифаларини ва иш тартибини белгилайди.