Стирингизни аниқлангª электрон давлат хизматидан фойдаланиш

«СТИРингизни аниқлангª электрон давлат хизматидан фойдаланиш
«Электрон солиқ хизматлариª портали бош саҳифасининг хизматлар йўналишлари бўйича сараланган«Маълумотномалар олишª блокида «СТИРингизни аниқлангª электрон давлат хизмати жойлаштирилган.
Ушбу хизмат интерактив хизматлар тоифасига мансублигини инобага олиб, уни «Солиқ тўловчиларни ҳисобга қўйишª блокидан топиш мумкин.
Ушбу электрон давлат хизмати орқали солиқ тўловчилар паспорт маълумотлари асосида ўзларининг солиқ тўловчи идентификацион рақамларини билиб олишлари ҳамда ҳисобда турганликлари тўғрисида гувоҳноманинг электрон нусҳасини чоп этиб олишлари мумкин. Бунинг учун
ушбу хизмат ойнасида паспорт серияси ва рақамини киритилади ва спамдан ҳимоя катаги тўлдирилиб, излаш тугмаси босилади.
Давлат солиқ қўмитасининг ягона маълумотлар базаси реестридан паспорт серия ва рақамлари асосида давлат солиқ хизмати органларида ҳисобда турган солиқ тўловчи тўғрисида маълумотлар тақдим этилади. Бунда солиқ тўловчининг фамилия, исми ва шарифи, солиқ тўловчининг идентификацион рақами (СТИР), берилган санаси, рўйхатга олган давлат солиқ инспекцияси ҳамда солиқ тўловчига солиқ тўловчининг Ўзбекистон Республикаси Давлат солиқ қўмитасида рўйхатга олинганлиги ва унга идентификация рақами берилганлиги тўғрисида гувоҳнома нусҳаси акс эттирилади. Гувоҳномани юклаб чоп этиш мумкин бўлади.
Шу билан бирга, ушбу СТИРи солиқ тўловчига тегишли эканлигини текшириб кўриб имконият ҳам мавжуд. Бунинг учун ушбу хизмат саҳифасида жойлашган «СТИРингизни текширингª ойнасига ўтиб, қидириш ойнасидан СТИР рақамини киритилади ва спамдан ҳимоя рақамлари киритиб, излаш
тугмаси босилади ва натижада мазкур СТИРга тегишли солиқ тўловчининг фамилияси, исми ва шарифи тақдим этилади.
Агар солиқ тўловчининг паспорт маълумотлари асосида СТИРи топилмаса, «Солиқ тўловчиларни ҳисобга қўйиш ва ҳисоб маълумотларига ўзгартириш киритишª электрон давлат хизмати орқали мурожаат юбориб, СТИР рақамини олиши мумкин.