Termiz davlat pedagogika instituti

Shuningdek uning moddiy-texnik bazasini mustahkamlash, ularni malakali pedagog kadrlar bilan ta’minlash, ta’lim-tarbiya jarayonlariga zamonaviy ta’lim dasturlari va texnologiyalarini tatbiq etish orqali bolalarni har tomonlama intellektual, ma’naviy-estetik, jismoniy rivojlantirish hamda ularni maktabga tayyorlash sifatini tubdan yaxshilash bosh masala qilib qo‘yildi.

O‘zbekiston Respublikasining “Ta’lim to‘g‘risidagi” gi Qonuni va “Kadrlar tayyorlash milliy dasturi”, “Ilk qadam”dasturi talablari asosida yoshlarni komil inson, barkamol shaxs sifatida tayyorlash, uzluksiz ta’lim tizimining hamma bosqichlarida yuksak ma’naviyatli shaxsni shakllantirish dolzarb masala sifatida o‘rganilmoqda. Ma’lumki, ota-bobolarimiz qadimdan bebaho boylik bo‘lmish ilmu-ma’rifat, ta’lim va tarbiyani inson kamoloti va millat ravnaqining eng asosiy sharti va garovi deb bilgan. Albatta, ta’lim-tarbiya ong mahsuli, lekin ayni vaqtda ong darajasi va uning rivojini ham belgilaydigan, ya’ni xalq ma’naviyatini shakllantiradigan, boyitadigan eng muhim omildir. Binobarin, ta’lim-tarbiya tizimini va shu asosda ongni o‘zgartirmasdan turib, ma’naviyatni rivojlantirib bo‘lmaydi.

O‘zbekiston Respublikasining “Maktabgacha ta’lim konsepsiyasi”da ham maktabgacha ta’lim muassasalarida 6-7 yoshli bolalarni maktabga tayyorgarlikni joriy etish va tarbiya jarayonining samaradorligini oshirish zarurligi ko‘zda tutilgan. Yuqorida bayon qilingan dalillar maktabgacha ta’lim muassasalarida pedogogik, psixologik shakllantirish, ularni maktab ta’limiga tayyorlash dolzarb masalalaridan biri ekanligini ko‘rsatadi. Maktabgacha ta’lim muassasalarida bolalarni jismoniy hamda funksional o‘zgarishini shakllantirish, ta’lim-tarbiya jarayoni samaradorligini oshirish metodikasini ishlab chiqish, unga mos ishlanmalar yaratish hamda amaliyotga joriy qilish zarurligidir. Shuning uchun, maktabgacha ta’lim muassasalarida bolalarni o‘ziga xos xususiyatlarini o‘rganish, ta’lim jarayonida bolalarga anatomik, fiziologik, pedagogik va psixologik ta’sir etish usullarini o‘rganish va amaliyotga joriy etish bugungi kunning dolzarb vazifalaridan hisoblanadi.