Termin O‘zbekcha sharhi

Voizlik-
arabcha va’z so‘zidan (“da’vat”, ”xitob” ma’nosida) olingan bo‘lib, islomda odamlarni ezgulikka va yaxshilikka chaqiruvchi, jamoat oldida nutq so‘zlovchi shaxsni anglatadi.
Maddoh-	arabcha “madh” (“maqtov”,”ta’rif”)so‘zidan olingan bo‘lib, biror shaxs yoki narsa-voqeani madh etuvchidir. U asosan diniy mavzularda, xususan, Muhammad payg‘ambar va choriyorlarning hayoti hamda hislatlari haqidagi ma’lumotlardan badiha tarzida aytuvchi hisoblanadi
Suxandon -	forscha suxan (“so‘z”) so‘zidan olingan bo‘lib, so‘zga chechan, so‘z ustasini anglatadi. Suxandon turli mavzularda nutq so‘zlaydigan madaniyatli va ma’rifatli shaxs hisoblanadi.
Diktor-	lotincha so‘z bo‘lib, ”so‘zlovchi” demakdir. Diktor-radio va televideniyeda nutq so‘zlovchi shaxsdir. Diktor so‘zi ikki ma’noda qo‘llaniladi:1)telekamera yoki mikrofonda tayyor matnni xush ovozda ifodali va to‘g‘ri talaffuzda o‘qib beruvchi shaxs; 2)matnga qaramasdan uni ravon va chiroyli gapiruvchi shaxs.
Qiroatxon –	ta’sirchan, ifodali o‘qiydigan shaxs bo‘lib, qissaxon uning bir ko‘rinishidir.Qiroat musiqiylikka moyilligi bilan ajralib turadi. Arabiy qiroat talabi, tajvid qoidalari bilan o‘qiluvchi Qur’on tilovati bunga misoldir. Qur’on yoddan yoki manbaning o‘zidan o‘qiladi hamda qiroatga rioya qilinadi.
O‘quvchi nutqining to‘g‘riligi -	Nutqning to‘g‘ri bo‘lishi- bu uning bosh aloqaviy sifati sanaladi. Nutqning to‘g‘ri tuzilgan bo‘lishi tomonlarning so‘zlovchi va tinglovchining, yozuvchi va o‘quvchining bir-birlarini tez va oson tushunishlarini ta’minlaydi.Agar nutq to‘g‘ri bo‘lmasa, u aniq ham, maqsadga muvofiq ham, mantiqiy ham bo‘lmaydi.
O‘quvchi nutqining sofligi -	Adabiy til uchun begona unsurlari bo‘lmagan, axloq normalarini tan olmaydigan so‘zlardan xoli bo‘lgan nutq sof nutq deb yuritiladi.