Termez davlat universiteti maxsus sirtqi bo limi

5-rasm. pol ustini qayta qoplash.

Pol usti qoplamalarini almashtirish ishlari quyidagicha bajariladi:

Mebellari chiqarilgan xonada plintuslari yechib olinadi, bu devorga mahkamlangani uchun devor qismini zararlamasdan ehtiyot bo‘lib bajariladi;

Plintus yechilgandan so‘ng eski pol qoplamasini yechib olishga kirishiladi;

Agar material yelim yordamisiz yotqizilgan rulon (kovrolin yoki linoleum)ko‘rinishida bo‘lsa, unda uni qismlarga ajratilgan holda bo‘laklari asosida avaylab o‘rab olinadi va ostida qolgan iflos chiqindilardan tozalanadi;

Agar material yelimlangan bo‘lsa, uni asosdan ajratib olish qiyinchilik keltirib chiqaradi. Unda qoplamani yechish uchun qo‘shimcha asboblardan foydalanishga to‘g‘ri keladi;

Yopishtirish va tiklash imkoni bo‘lmagan eski parket donalab yechib olinadi va tashqariga chiqarib tashlanadi, agar material maxsus aralashma yordamida yelimlangan bo‘lsa, unda uni yechish qiyinchilik tug‘diradi. Yechish uchun maxsus va qo‘shimcha yordamchi asboblardan foydalaniladi.

Kafel plitkalar bolg‘a va zubila yordamida yechib olinadi, agar perforat bo‘lsa yechib olish jarayoni yanada yengillashgan bo‘ladi;

Agar pol qoplamasi yog‘och taxta materiallardan bo‘lsa, uni yechib olish ozgina murakkablik keltirib chiqaradi. Bunda bolg‘a, mix so‘g‘irgich, va klisha-ombur asboblari yordamida har bir taxtani alohida yechib olishga to‘g‘ri keladi. Olingan taxta materiallarni qayta ishlatish uchun yaroqli va yaroqsizlarga ajratiladi.

Xonadagi pol qoplamalarini ta’mirlash uchun uning barcha materiallarni buzub olish kerakmi? yoki uning zararlangan qisminigina yechib olish yoki butunlay buzub olish kerakmi?- degan savol hammani ta’mirlash oldidan o‘ylantirib qo‘yadi. Agar bir qarorga ishonch bilan kelmasangiz, demak siz uni ya’ni pol qoplamasini to‘lig‘incha almashtirish lozimligini qabul qiling. Agar chirish va tukilish jarayoni polning barcha qismlarida sodir bo‘lgan, lekin bu jarayon uncha bilinmasa ham oradan vaqt o‘tib, baribir butun xonaning polini buzushga, vaqt va kuch sarflashga to‘g‘ri keladi.

Xonaning polini ta’mirlashni amalga oshirish tajribasiz quruvchining ham qo‘lidan keladi. Bu masalalar(polni ta’mirlash va to‘liq almashtirish) videomateriallardan foydalanib va instruksiyada ko‘rsatilgan tartib bilan bosqichma bosqich hamda ketma-ketlikda amalga oshiriladi.