Temir yo‘l avtomatika va telemexanikasining zamonaviy qutblangan relelari. Mundarija

Magnit zanjirining sxemasiga qarab, qutblangan relelarni: ketma-ket, parallel (differensialli) va ko‘priksimon magnit zanjirliklarga ajratishadi.

Ketma-ket sxemada (10.1-rasm) Ф_q va Ф_i oqimlar umumiy zanjirdan o‘tishadi. Agar ishchi 2 cho‘lg‘am uzilgan bo‘lsa, unda magnit zanjirda faqat doimiy magnit 1 (10.1,a-rasm) yoki doimiy ulangan qutblovchi cho‘lg‘am 4 (10.1,b-rasm) hosil qiladigan Ф_q oqim bo‘ladi. Ularning MYuK 3 yakorni tortilishiga etarli bo‘lmaydi. Shu sababli Ф_q<Ф_o'r va normal kontakt NK tutashgan turadi. Agar ishchi cho‘lg‘amni ulanish qutbligi ular hosil qiladigan Ф_q va Ф_i oqimlarni havo tirqishidagi yo‘nalishi qarama-qarshi bo‘lsa, unda umumiy oqim Ф_q dan kichik bo‘ladi va yakor oldingi holatida qoladi.