Temir uglerod qotishmalari

Izotermik yumshatishda evtektoiddan oldingi pо‘lat Ac₃ nuqtadan, evtektoiddan keyingi pо‘lat esa Ac₁ nuqtadan 20-30°С yuqori haroratgacha qizdirilib, shu haroratda perlit batamom austenitga aylanguncha tutib turiladi, sо‘ngra Аr₁ nuqtadan 50-100°С past haroratgacha tez sovutilib, austenit sementit bilan ferritga batamom parchalanguncha tutib turiladi. Izotermik yumshatishning odatdagi yumshatishdan farqi shuki, bunda vaqt kam ketadi, gomogenlik darajasi ancha yuqori struktura hosil bо‘ladi. Tarkibida kо‘p miqdor xrom, nikel va boshqa elementlar bо‘lgan pо‘latlarda austenit ancha barqaror bо‘ladi, bunday pо‘latlardagi austenitni ferrit bilan sementit aralashmasiga aylantirib, pо‘latning kesib ishlanuvchanligini yaxshilashning birdan-bir usuli izotermik yumshatishdir.