Темир йўллар транпортида юк ташиш тарифларини такомиллашириш режа

Узун таркибли йўловчи поезд айни поездни тузиш чизмасидагидан кўпроқ вагонларга эга бўлади. Узунлиги оширилган йўловчи поезд таркибларидаги вагонлар сони 20 дан ортади. Икки йўловчи поездлари ўзаро бирлаштирилиб, уларнинг ҳар бирининг бошида ишлаб турган локомотивлари бўлса, бундай поездлар бирлашган йўловчи поезд дейилади.
Йўловчи ташишнинг умумий ҳажмида шаҳаратроф ташишларнинг улуши катта. Шаҳаратроф ташишларнинг характерли ҳусусияти, ушбу турдаги поездларнинг йўловчиларни чиқариш ва тушириш учун кўп тўхташи, ҳаракатнинг йил фасллари, ҳафта кунлари ва соатлар бўйича нотекислиги ва ўзгариб туришидан иборат.
Шаҳаратроф йўналишлардаги йўловчилар оқими жуда кўп бўлса уларга қулайлик яратиш мақсадида “зонали ҳаракат” деб номланувчи жадвал бўйича ҳаракатни ташкил қилиш усули қўлланади. Бунда шаҳаратроф йўналиш линияси бир неча қисмларга – зоналарга бўлинади ва бир зона бўйича барча бекатларда тўхтайдиган поездлар бошқаларини тўхтамай, ёки фақат катта бекатларда тўхтаб ўтади. Иккинчи зонага борадиган йўловчилар ўз зона поездларида биринчи зона бўйлаб тўхтамай ўтадилар. Ҳаракатни бундай ташкил қилишда аввало поездларнинг йўловчилар билан тўлиши нисбатан бир текис ва масофани ўтиш учун вақт ҳам камроқ сарфланади.
Йўловчиларнинг байрам ва дам олиш кунлари шаҳардан ташқарига чиқиш эҳтиёжларини қондириш мақсадида бирлаштирилган (қўшма) электр поездларнинг ва қўшимча шаҳаратроф поездларнинг ҳаракатини ташкил қилиш ҳам амалга оширилади.
Агар шаҳаратроф йўналишлардаги йўловчилар оқими кам бўлса, электрлаштирилган йўлларда ҳам, иқтисодий тежамкорлик мақсадларида йўловчилар учун дизел-поездлар қатновини ташкил қилиш мумкин.