Темир йўл асосий фаолиятинингбухгалтерия ҳисобини ҳисобварақларининг режаси ва ҳисоб сиёсати. Счётлар режаси

7-мавзу.Темир йўл транспорти асосий воситаларни келиб тушишини синтетик ҳисоби ва уни ҳужжатлаштириш, инвентар карточкаларни тўлдириш


41-масала
Корхона етказиб берувчига монтаж талаб қилувчи ишлаб чиқариш ускунасини етказиб бериш учун 1 840 минг сўм миқдорида 100 фоиз бўнак ўтказди. Ушбу ускунани етказиб бериш учун транспорт ташкилотига 130 минг сўм тўланди. Етказиб берувчидан олинган ускуна корхона омборига кирим қилинди. Корхонанинг ёрдамчи цехи томонидан амалга оширилган ускунани монтаж қилиш бўйича харажатлар 140 минг сўмни ташкил қилди. Асосий воситаларнинг бошланғич қийматини топинг.


42-масала
Корхона Россиядан двигатель ҳажми 1 300 куб см.ни ташкил этадиган, ВАЗ-07 русумидаги 3 та янги автомобилни (Россияда ишлаб чиқа-рилган) ўз эҳтиёжлари учун олиб келтиради. Автомобимар партиясининг кон­тракт қиймати 19 500 АҚШ долларини ташкил қилади.
Товарнинг божхонада расмийлаштириш чоғида декларант томонидан те-гишли ҳужжатлар, шу жумладан товарнинг келиб чиқишига доир сертификат тақдим этилди. Олиб кириладиган товарлар билан битим қиймати бўйича ҳисобланган автомобилларнинг божхона қиймати 25 857 минг сўмни (19 500 х 1326) ташкил қилди.
Товарни божхона расмийлаштирувида қуйидаги божхона тўловлари тўланди:
акциз солиғи (5 %) — 1 292,85 минг сўм (25 857 х 0,05);
импорт қилинадиган товарлар бўйича қўшилган қиймат солиғи (20 %) — 5 429,97 минг сўм [(25 857 + 1 292,85) х 0,20];
божхона расмийлаштирув учун йиғим — 51,714 минг сум (25 857 х 0,002).
Автомобилларни тайинланган жойгача етказиб бериш харажатлари 378 минг сўмни ташкил қилади, шу жумладан ҚҚС — 63 минг сўм.
Товарга тўлов уз валюта маблағлари хисобидан: контракт қийматининг 100 фоизи миқдорида бўнак амалга оширилди.
АҚШ доллари курсы:
товар етказиб берувчига бўнак тўлаш пайтида — 1 АҚШ долларига нисбатан 7 314 сумни;
БЮДни расмийлаштириш ва божхона туловларини тулаш пайтида — 1 АКШ долларига нисбатан 1 326 сумни ташкил қилди.
Автомобилларнинг харид кийматини аниқланг.