Темир йыли давлатимизнинг асосий транспорт турларидан бири щисобланади

Намлик юк массаси таркибида бўлган суюқликнинг фоизи билан изоҳланади. Намлик юк массаси таркибида эркин ва боғланган ҳолатда бўлиши мумкин. Юкнинг намлиги абсолют (мутлоқ) ва нисбий намликка ажратилади.
Юк массаси таркибидаги суюқлик массаси q_с ни нам юк массаси q_ню га нисбати юкнинг нисбий намлиги W_н деб аталади ва фоизларда ўлчанади:

W_н  (q_с / q_ню) · 100 , % (1.11)

Юк массаси таркибидаги суюқлик массаси q_с ни қуруқ юк массаси q_қю га нисбати юкнинг мутлоқ (абсолют) намлиги W_а деб аталади ва фоизларда ўлчанади:

W_а  (q_с / q_қю) · 100 , % (1.12)

Назарий ҳисобларда асосан юкнинг мутлоқ намлиги ишлатилади, амалиётда эса кўпрок юкнинг нисбий намлигидан фойдаланилади, қайсики у маҳсулот массаси таркибидаги намлик ҳақида яққол тасаввур этиш имконоятини беради.

Нисбий юкнинг намлигини абсолют намликка ва аксинча айлантириш учун қуйидаги боғланиш формуласидан фойдаланилади.

W_н  100 · W_а / (W_а + 100), % (1.13)

W_а  100 · W_н / ( 100-W_н), % (1.14)

Стандартларда, техник шартларда ва бошқа меъёрий хужжатларда ҳар бир юклар учун кондинцион намлик белгиланган. Конденцион намликда маҳсулотлар ўзининг сифат кўрсаткичларининг тавсифини сақлай олади. Юкларни намлигини кондицион талабларидан оғиши (четлаши) уларни бузилишига ва сифатини пасайишга олиб келади. Баъзи бир юкларнинг намлигини ўсиши (ошиши) транспорт учун нохуш хусусиятларни (қотиб қолишни, музлаб қолишни, зичлашиб гумбаз ҳосил қилишни) кучайтиради, ҳамда юкларни бункерларнинг, ҳаракатдаги состав кузовининг ички сиртларига ва ортиш–тушириш машина ва қурилмаларнинг ишчи органларига ёпишиб қолишини келтириб чиқаради.