Temanıń aktuallıǵı

Kirisiw
Mámleketimizdiń aldına qoyǵan maqsetleriniń biri xalıq xojalıǵınıń tarawların zamaogóy texnologiyalar menen táminlew bolıp tabıladı. Bul baǵıtta islenip atırǵan jumıslardıń nátiyjesinde eń aldıńǵı texnologiyaǵa tiykarlanǵan bir qatar zamanogóy iri qospa kárxanalar turaqlı kárxanalar, yaǵnıy temir, shoyın alıw texnologiyasın úyreniw qalaberdi Qaraqalpaqstan Respublikası apymaǵında metallurgiyalıq kombinat qurılıw arapasında ekenligin esapqa alsaq Mektep oqıwshılarına polat hám shoyın islep shıǵarıw processlerin úyretiw zárúr bolıp tabıladı hám “Nawayı kán-metallurgiya kombinatı” mámleketlik kárxanası Taxiyatas “metall konstrukciyalar hám standart bolmaǵan úskeneler islep shıǵarıw zavodı” hám Buxara neftti qayta islew zavodı hám basqalar kárxanalar qurıldı. Házirgi waqıtta bul kárxanalar turaqlı túrde iskerilik kórsetip kelmekte.
Biziń dáwirimizdegi sanaattı mashina, mexanizm, stanoklar hám priborlarsız kóz aldımızǵa keltiriwdiń ózi qıyın. Solay eken, bul mashina hám mexanizmler ayırım bólimlerden, bólimler bolsa detallardan quraladı. Olar hár túrli shárayatlarda jumıs isleydi. Sonlıqtan olar ushın materiallardı durıs tańlaw eń úlken áhmiyetke iye. Material durıs tańlap alınsa ǵana biz joqarı sapalı mexanizmge, mashinaǵa hám olardıń uzaq múddet xızmet etiwine erisiwge boladı.
Polat hám shoyın metalların óndiriste yamasa xalıq xojalıǵında paydalanıwda onıń sapası júdá úlken áhmiyetke iye. Sonlıqtan barlıq metall konstrukciyalar paydalanatuǵın orınlarda óziniń talabınan kelip shıǵıp yaǵnıy sol jerde qanday nagruzka kúshleri bar yamasa qanday ortalıqta ol detal jumıs isleydi mine bulardıń barlıǵın esap alıp metall konstrukciyaların markalarına qarap hám qásiyetlerine qarap tańlap alınsa ǵana bul detalımız bizge uzaq waqıt xızmet kórsetiwi táminlewge erisiledi.
Temanıń aktuallıǵı: Respublikamız ǵárezsizliginen keyingi sanaat tarmaqlarınıń keń kólemde rawajlanıwı nátiyjesinde zamanagóy texnologiyalar hám jańa ásbap-úskeneler óndiriste paydalanılıp kelinbekte. Búgingi kúnde polat hám shoyın islep shıǵarıw processleri menen mektep oqıwshıların tanıstırıp barıw hám islep shıǵarıw usılların úyretiw zárúr bolıp tabıladı.
Metallurgiya saanatı awır saanat bolıp esaplanadı. Metallurgiya saanatı respublikamızǵa kóp daramat alıp keletuǵın saanat túrinen biri. Bizlerdi quwandıratuǵın bir nárse Qaraqalpaqstan Respuplikasınıń aymaǵında metallurgiyalıq kombinat salınbaqta. Álbette bul metallurgiyalıq kombinatta jaslarǵa kóp jumıs ornı ashıladı. Sol sebepli meniń pitkeriw qánigelik jumısım “Mektep oqıwshılarına domna peshiniń islew principin úyretiw” búgingi kúnnıń aktual maselesi bolıp tabıladı.


Juwmaqlaw
Búgingi kúnde texnika hám texnologiya jedel rawajlanıp baratırǵanda materiallardıń quramı, dúzilisi hámde qásiyetleri arasındaǵı ámeliy baylanıslardı úyreniw búgingi kúnniń áhmiyetli máselesi bolıp qaladı. Metallugiya saanatı júdá awır saanat. Sap metallardı islep shıǵarıw texnologiyasına qaraǵanda birikpelerdi islep shıǵarıw texnologiyası ápiwayı hámde ózine túser bahası anaǵurlım arzan. Metall birikpeleri júdá joqarı bekkemligi menen hám basqada mexanikalıq qasiyetleri menen sap metallardan ajıralıp turadı. Sonlıqtanda metall birikpeleriniń quramın ózgertiw arqalı onıń qásiyetlerin basqarıw, yaǵnıy texnologiya jedel rawajlanıp baratırǵanda materiallardıń quramı, dúzilisi hámde qásiyetleri arasındaǵı ámeliy baylanıslardı úyreniw sonıń menen birge temir birikpelerin, yaǵnıy temir, shoyın alıw texnologiyasın úyreniw qalaberdi Qaraqalpaqstan Respublikası apymaǵında metallurgiyalıq kombinat qurılıw arapasında ekenligin esapqa alsaq Mektep oqıwshılarına polat hám shoyın islep shıǵarıw processlerin úyretiw zárúr bolıp tabıladı.
Juwmaqlap aytqanda pitkeriw qánigelik jumısın jazıw processinde metallurgiya saanatı awır saanat túrlerinen biri ekenligi hám oǵan bolǵan búgingi kúnniń talabı haqqında toqtap óttik. Sonday-aq, metallurgiya saanatı respublikamızǵa kóp daramat alıp keletuǵın saanat túrlerinen bir bolıp esaplanadı. Qaraqalpaqstan Respublikası apymaǵında metallurgiyalıq kombinat qurılıw arapasında ekenliginde esapqa alıw hám bul jerde jaslarǵa kóp jumıs ornı ashıladı.