Tema: Psixologiya pánlerin oqıtıwda dástúriy metodları Joba

Kurs jumısın qorǵaw hám onı reyting sisteması tiykarında bahalaw
Kurs jumısı jazıp bolınǵannan keyin, onı belgilengen múddetk shekem kafedraǵa tapsırıladı. Recenziyaǵa jiberilgenligi haqqında arnawlı dápterge belgilenedi. Recenziyaǵa jiberilgen kúnnen baslap kurs jumısına 2 hápte dawamında recenziya jazılıp, tıńlawshıǵa qaytarılıwı kerek.
Recenziyalar tiykarınan 3 baǵdarda bildiriliwi múmkin:
1) Kurs jumısın talapǵa juwap beriwi belgilendi.
2) Kurs jumısında ayırım kemshilikler bar ekenligi kórsetilib, onı dúzetiwge stilistik máslahátler beriledi.
3) Orınlanǵan kurs jumısı talapǵa juwap bermesligi jazılıwı múmkin.
Hár úsh jaǵdayda da kurs jumısları tıńlawshılarǵa qaytarıladı. Recenziya menen tanısǵannan soń: birinshi baǵdardaǵı recenziyaǵa iye tıńlawshılar kurs jumısı mazmunın puqta úyrenip, qorǵawǵa tayarlıq kóriw dawam etedi. Ekinshi baǵdardaǵılar kemshiliklerdi tuwrılap, qorǵawǵa tayarlıq kóriw waqtında boladı. Úshinshi baǵdardaǵı recenziyaǵa iye tıńlawshılar bolsa kurs jumısın qayta jazıw hám onı ózlestiriwleri kerek boladı. Kurs jumısları ekinshi márte recenziya ushın qabıl qılınbaydı.
Kurs jumısların qorǵawı fakultet dekanatları tárepinen belgilengen kúnde ótkeriledi. Kurs jumısları qorǵawı kafedrada dúzilgen arnawlı komissiya janında (kafedra basshısı - komissiya baslıǵı hám aǵzaları eki professor-oqıtıwshılar) ámelge asırıladı. Qorǵaw processinde komissiya aǵzaları kurs jumısı menen tanısıp, recenzenttiń pikirin inabatqa alınǵanlıq dárejeleri menen qızıǵadı, atap aytqanda kurs jumısı teması maydanınan tıńlawshıǵa sorawlar menen múráját etedi. Bunda tıńlawshınıń temanı ózlestirganlik dárejesi, pikirlew qábileti, sóylew mádeniyatına úlken itibar beriledi.
Recenzent kurs jumısın qorǵawǵa usınıs etiwi yamasa biykarlawı múmkin. Kurs jumısın tek komissiya aǵzalarıǵana bahalaw huqıqına iye esaplanadı. Kurs jumısları «reyting» ballı sistemada bahalanadı. Kurs jumısı nátiyjeleri reyting dáptershesiniń arnawlı ajıratılǵan ornına jazıladı hám komissiya aǵzalarınıń qolları menen tastıyıqlanadı.
Kurs jumısı mazmunın tıńlawshınıń erkin pikirleri sezilib turǵan, túsinikleri anıq hám tuwri bolǵan, kózde tutılǵan máseleler tolıq kórsetilgen, bezewli úskenelerge bay kurs jumısları itibarǵa ılayıq, hámde úlgili jumıs esaplanadı. Mısalı, ulıwma kórinisleri ıqsham hám taza saqlanǵan kurs jumısı joqarı bahaǵa iye boladı.
Kurs jumısların belgilengen múddetke shekem recenziyaǵa tapsırmaǵan, hámde tıńlawshınıń óz miyneti nátiyjesi esaplanbaǵan kurs jumısları bahalanmaydı.