|
Kurs jumısı tómendegilerdi de óz ishine aladı:
1. Kurs jumısınıń birinshi betidegi titul beti (1-qosımsha).
2. Kurs jumısınıń ekinshi betide qaldırılǵan bir bet taza aq qaǵaz (pikir bildiriwshiniń oy-pikiri ushın).
3. Kurs jumısınıń jobası (yamasa mazmun ).
4. «Kirisiw» bóliminen baslanǵan tema teksti protokolı (3-betdan baslanadı).
5. Bezewli úskeneler tekstte berilmegen bolsa, bólek «Qosımshalar» formasında beriledi.
6. Paydalanılǵan ádebiyatlar dizimi.
Tema tańlaw
Kurs jumısın orınlaw áwele tema tańlawdan baslanadı. Tıńlawshılar usınıs etilgen (2-qosımsha) kurs jumısları temalarınan birin óz qálewleri menen tańlaydilar. Kurs jumısları temaları álipbe formasında berilgen bolıp, tıńlawshı óz famılıyasınıń bas háribinde bólimdegi 6 temadan birin tańlap aladı. Ayırım jaǵdaylarda tıńlawshıdaǵı kurs jumısın jazıw dárekleriniń kópligi hám onıń bul temanı jazıwǵa qızıǵıwshılıǵınan kelip shıǵıp, temalar ilimiy basshı tárepinen kafedra basshısı menen kelisimli halda ózgertiliwi múmkin. Kurs jumısına basshılıq etiwshi oqıtıwshı tıńlawshıǵa ilimiy hám metodikalıq máslahátlar beredi.
Tıńlawshı ádebiyatlar, kartografikalıq hám statistikalıq materiallar toplawı, olardıń mazmunı menen puqta tanısıp shıǵıwı dárkar. Tóplanǵan maǵlıwmatlar haqqında ilimiy basshı menen pikirlesip alınǵannan keyin, erkin túrde jumıs rejesin dúziwge kirisedi hám onı oqıtıwshı menen talqılaydı. Dúzilgen rejede basshınıń pikirleri itibarǵa alınıwı maqsetke muwapıq.
Bulardan tısqarı baǵdarlardaǵı ayırım kurs jumısları sanı onsha kóp bolmay, olardı jazıw waqtında metodikalıq kórsetpeler beriliwi maqsetke muwapıq bolıp tabıladı. Bul qollanbda tek ǵana joqarıdaǵı baǵdarǵa tiyisli kurs jumıslarına joba dúziw hám tekst mazmunın ashıp beriwge tiyisli máslahátlar beriw kerek dep tapildi.
Ádebiyatlar, kartografikalıq hám basqa dereklerden paydalanıw
Kurs jumısın jazıw aldı menen usınıs etilgen tiyisli ádebiyatlar, ekologiyalıq statistikalıq maǵlıwmatlar menen tanısıwdan baslanadı. Usınılıp atırǵan ádebiyatlardıń (aqırǵı betde) kópshilik bólegin universitet kitapxanasınan tabıw múmkin. Ayırımların qaladaǵı basqa kitapxanalardan izlew kerek. Ádebiyatlar menen tanısılǵanda kurs jumısına tiyisli bolǵan bólimler konspekt formasında arnawlı dápterge belgilenip barılǵanı maqul.
Dereklerden sonıń menen birge internetten alınǵan maǵlıwmatlar da kiritiledi. Paydalanıwdıń tiykarınan eki usılı bar:
Sózbe-sóz alınǵan gápler (pikirler) yamasa citata keltiriw. Bul usıl kóbirek aldınǵa súrilip atırǵan jaǵdayǵa yamasa nadurıs ekenligin tastıyıqlawda qollanıladı. Citata tırnaqsha ishinde paydalanıp, kimning pikiri ekenligi (avtor, jumıs atı, baspa ornı, baspa atı, jılı, beti) kórsetiliwi shárt. Citata keltirilmegen halda pútkil kurs jumısın citatalar jıyındısına aylandırıw da oǵada logikasızlıq bolıp tabıladı. Olardı tek ornı kelgende qollaw kerek.
Derekler mazmunın óz sózi menen bayanlaw (jazıw). Paydalanılǵan ádebiyatlar dizimin dúziwde de belgili qabıl etilgen tártip hám qaǵıydalar bar ekenin esten shıǵarmaw kerek.
Aldı menen kitap yamasa avtordıń famılıyası hám atı –ákesiniń atı (bas hárıbi), kitap yamasa maqala (jumıs), atı, basıp shıǵarılǵan ornı, baspa atı hám baspa jılı kórsetiledi. Eger jumıs maqala bolıp, qandayda bir ilimiy toplamda, jurnalda basıp shıǵarılǵan bolsa, maqala atınan keyin drob sızıǵı (//) qoyıladı (bul sızıq «Ilimiy toplam, jurnal, gazeta» degen mánislerdi ańlatadı ) hám toplam, jurnal, gazeta atı, jılı, sanı hám betleri kórsetiliwi kerek.
Ádebiyatlar dizimi dúzilip atırǵanda paydalanılǵan bolsa, kurs jumısı temasına tiyisli bolǵanı halda aldı menen Ózbekstan Respublikası Konstitusiyası, keyin húkimet nızamları hám Prezident pármanları, Prezident miynetleri hámde sózleri tártibin bergeni maqul. Kurs jumısında nızam, párman hám Prezident shıǵarmalarınıń bir neshesine murojat etilgen bolsa, olar baspa jılı boyınsha tártiplenedi, keyin basqa avtorlar famılıyası álipbe formasında dawam etedi. Mısalı:
1. «Ózbekstan Respublikası Konstitusiyası» T.: Ózbekstan, 1992.
2. Ózbekstan Respublikasınıń «Tábiyaattı qorǵaw haqqında» ǵı nızamı. 1992 j. 9 dekabr.
3. Karimov I. A. «Ózbekstan XXI ásirge intilmaqda»-T.: Ózbekstan, 1998.
Kurs jumısları temaların keń ashıp beriwde dúnya hám Ózbekstan Respublikasınıń ekonomikalıq hám social geografiyalıq atlaslarınan paydalanıwdı biliw kerek. Kartalardı puqta oqıp alıw tıńlawshıda kurs jumısın talap dárejesinde ashıp beriwge úlken járdem beredi. Sebebi karta hám ilimiy izertlewler ózinde júdá kóp nátiyjelerdi jámlestirtirgen. Olardan paydalanıw, túrli bezewli sızılma, diagramma hám kesteler isleniwi múmkin. Bul tıńlawshınıń kartadan paydalanıw sheberligi hám ilimiy dúnyaǵa kóz qarası kólemine baylanıslı.
Do'stlaringiz bilan baham: |
