Tema: Oqitiw teoriyasi. Didaktika} Oqitiw tiykarlari

Oqitiw protsesi sabaq beriw xa`m oqiw jumislarinin` birliginen quraladi. Oqitiw barisindag`i mug`allimnin` xizmeti sabaq beriw dep ataladi, oqiwshinin` xizmeti oqiw dep ju`rgiziledi. Oqiw o`zbetinshe bilim aliw xa`m araliqtan oqiw protsesinde de iske asadi.

Tiykarg’i didaktikaliq tu’sinikler – ooqitiw, sabaq beriw,oqiw, mag‘liwmat, oqitiw nizamliqlari,oqitiw printsipleri,oqitiw protsesi

Mag`liwmat delingende oqiwshinin` aldin-ala, maqsetli tu`rde ilimiy bilimler sistemasin o`zlestiriwi, bilim, eplilik xa`m ko`nlikpelerdi iyelewi, onin` du`n`yag`a ko`z-qarasinin`, uliwma insaniy xa`m milliy paziyletlerinin` qa`liplesiwi ko`zde tutiladi.

Oqitiw nizamliliqlari. Oqitiw belgili nizamliliqlarg`a tiykarlanadi. Oqitiw protsesi menen ken` ma`nistegi sotsialliq protsesler arasindag`i sirtqi, oqitiw protsesinin` ayrim bo`limleri (maqset, mazmun, tu`r, qural, metod t.b.) arasindag`i ishki qatnasiqlarda ju`zege shig`atug`in uliwma, basli, za`ru`riy xa`m turaqli ta`kirarlanatug`in baylanislarg`a oqitiw nizamliqlari dep ataladi.

Tiykarg’i didaktikaliq tu’sinikler – ooqitiw, sabaq beriw,oqiw, mag‘liwmat, oqitiw nizamliqlari,oqitiw printsipleri,oqitiw protsesi

Oqitiw printsipleri. Didaktika ta`repinen ashilg`an oqitiw nizamliqlarinan oqitiw jumislarinin` en` basli talaplari kelip shig`adi. Ol talaplardi pedagogikada oqitiw printsipleri dep ataydi.

Oqitiw protsesi. Mug`allimnin` bilim beriwdegi, oqiwshilardin` bilim iyelewdegi, bir maqsetke qaratilg`an birgeliktegi xizmetine oqitiw protsesi delinedi.