Тема: Объектга йўналтирилган лойихалаш технологиялари

МАЪРУЗА №6
Тема: Объектга йўналтирилган лойихалаш технологиялари. Тизимнинг объектли модели.


Амалий дастурий воситаларнинг объектга йўналтирилган лойихалаш технологиялари
Дастурий таъминотни объектга мўлжалланган лойихалаш аввало реал тизим вужудга келган масалани ечиш учун ушбу тизимнинг моделини яратишдан иборат.
Тизимнинг модели (ёки бирор предмет ёки ходисанинг) деб тизимнинг расмий таърифига айтилади. Унда тизимни асосий объектлари ва улар ўртасидаги муносабатлар ажратиб кўрсатилади. Моделда реал тизимни тушуниб олишни қийинлаштирувчи кўпгина тафсилотлари инобатга олинмайди.
Тизимларни моделлаштириш фан ва техникада мураккаб тизимларни ўрганиш ва соддалаштириш учун кенг қўлланилади.
Тизим моделлари қуйидагиларга ёрдам беради:
- яратилаётган тизимнинг дастлабки босқичларда ишга лаёқатлилигини текшириш;
- буюртмачининг тизимга бўлган талабларини аниқлаш учун у билан мулоқат қилиш;
- зарур бўлганда тизим лойихасига лойихалашнинг бошида ҳам, ҳамда хаёт циклининг бошқа паллаларида ҳам ўзгартиришлар киритиш.
Объектга мўлжалланган технологияда лойихаланаётган дастурий таъминот 3 та ўзаро боғланган модел кўринишида тасвирланади:
1) объектли модел, у тизимнинг маълумотлар билан боғлиқ бўлган статик ва структура жихатларини ифодалайди;
2) динамик модел, тизимнинг алоҳида қисмларини тасвирлайди;
3) функционал модел, бунда тизим ишлаш жараёнида тизимнинг алохида қисмларининг функционал алоқалари (маълумотлар ҳамда бошқарув бўйича) кўрилади.
Моделларнинг ушбу 3 та тури битта белгилашлар тизимида тизимнинг ўзаро ортогонал (тўғри бурчакли) ифодасини кўришга имконият яратади.
Тизимнинг моделлар мажмуи компьютерда (интсрументал дастурий таъминот ёрдамида) яратилиши ҳам мумкин. Бу яратиладиган тизим билан ишлаш характерини буюртмачига намойиш қилиш имкониятини яратади ва тизимнинг дастлабки лойихасини ўзаро келиб олишни осонлаштиради.
Дастурий таъминотни лойихалашнинг биринчи босқичида яратилган ва отладкаланган моделлар лойихалашнинг кейинги барча босқичларида қўлланилади ва бу дастурий махсулотни дастурлаш, отладкалаш, тестлаш, кузатиш ва модификациялашни осонлаштиради. Моделлар тизим яратиладиган дастурлаш тили билан умуман боғлиқ эмас.