Tema: Kásiplik etika – kásip ruwxıylıǵınıń ózegi sıpatında Temanıń jobası

«Altın standart» — bul ádep-ikramlılıqtıń altın qaǵıydasınıń variaciyası: «Xızmet statusı sheńberinde hesh qashan óz xızmet dárejeńizdegi qol astıńızdaǵılarǵa, basshılarıńızǵa, kásipleslerińizge, klientlerińizge hám t.b. ózinińizge qatnasta koriwdi qálemeytuǵın háreketlerdi, qılwalardı islemeń».
Ádalat. Xızmetkerlerdi miynet iskerligin ámelge asırıw ushın zárúr bolǵan resurslar (pul, shiyki zat, materiallıq hám t.b.) menen támiyinlewde ádalat kerek.
Morallıq paritetti tiklew. Etikalıq qaǵıydabuzarlıqtıń qashan hám kim tárepinen islengenine qaramastan, onı májbúriy dúzetiwdi talap etedi. Keri jaǵdayda jámáátte morallıq klimattıń buzılıwı payda boladı, morallıq kemsitilgen xızmetker óz minnetlerin ókpe-giyne, kemsitilgenlik, ádalatsızlıq júgi menen atqaradı hám bul onıń jumısınıń sapasına keri tásir etedi.

Ulıwmalıq mádeniyat hám salamat aqıl principi. SHólkem xızmetkerleriniń basqa shólkemler, aymaqlar, mámleketlerde orın alǵan morallıq negizlerine, dástúrlerine bawrıkeńlik penen múnásibet jasawı ádeplilik bolıp tabıladı. Bul tiykarınan etiketlik jaǵdaylarǵa tiyisli.

Xızmet babındaǵı qararlar qabıllawda individuallıq hám jámáátlik baslamalardıń uyǵınlıǵı principi. Hár qanday xızmet babındaǵı máselelerdi sheshiwde individual pikir hám jantasıwlardı esapqa alıwdan qorqpaw kerek. Biraq nonkonformizm (húkimran tártipler, normalar, qádiriyatlarlar, nızamlardı qabıl etpew) shaxstıń qásiyeti sıpatında aqılǵa muwapıq keletuǵın shegaralardı kórinis tabıwı kerek.
Qol astındaǵılar menen qarım-qatnasta álpayımlılıq principi. Hesh qanday zorawanlıq, yaǵnıy hár qıylı formalarda, mısalı xızmet sóylesiwlerin buyrıq, komandalıq túrde alıp barıw manerasında ańlatılatuǵın qol astındaǵılarǵa basım ótkeriwdiń bolmawı.