Tema: Kásiplik etika – kásip ruwxıylıǵınıń ózegi sıpatında Temanıń jobası

Kritikalaw huqıqı hám konfliktsizlik. Professional óz kásiplesleriniń jumısın «shaxsiyatqa ótpesten», óz kásipleslerin kemsitpesten sınǵa ala biliwi, sonday-aq óz adresine bildirilgen sındı durıs qabıllay alıwı lazım.
Konfliktsizlik principi de áhmiyetli. Morallıq klimat hám issheńlik atmosferası tek ǵana utadı, eger qararlar kóplegen kóz-qaraslardı esapqa alǵan halda qabıllansa; eger xızmetkerler ózlerin basshınıń erkin soqırlarsha orınlawshılar emes, al jaǵdayǵa tásir ete alıwshılar sıpatında sezinse.
Issheńlik tartısı shaxsiy konfrontaciyaǵa ótip ketpewi ushın pikir talası etikası haqqında da ǵamxorlıq qılıw kerek.
Kásiplik etikanıń gedonistlik principi. Gedonizm - etikalıq princip bolıp, oǵan kóre házlikke umtılıw adamnıń tábiyiy huqıqı bolıp tabıladı. Kásiplik iskerliktegi gedonizm qánigeniń miynet iskerligin xoshametlewshi faktorlar menen baylanıslı. Olardıń tiykarǵıları «insanıy qatnasıqlar» tarawında jatadı, olar qarım-qatnasıq qura alıwdı, óz-ara túsinisiw, húrmet hám birge islesiw tiykarında óz múnásibetlerin qura alıwdı talap etedi.
Qánigeniń miynetke unamlı qatnasın motivaciyalaytuǵın áhmiyetli faktor shaxstıń psixologiyalıq ózin-ózi seziniwi, atap aytqanda onıń ózi ushın miynet procesiniń tartımlılıǵı, «ózin kórsetiwge» bolǵan máp hám umtılıs bolıp tabıladı. Qánigeniń miynetke unamlı motivaciyasında ayrıqsha rol`di tán alınıwǵa umtılıs hám tabısqa baǵdarlanǵanlıq oynaydı.
Professionallıq qanaatlanıwǵa alıp keletuǵın jumıs tómendegi talaplarǵa juwap beriwi kerek:
jumıs optimal shólkemlestirilgen bolıwı kerek; jámáátte óz-ara húrmet húkimranlıq qılıwı kerek;
jumıstaǵı tabıslardı qollap-quwatlaw hám xoshametlew norma bolıwı kerek;
xızmetker ózin-ózi jetilistiriw imkaniyatına iye bolıwı kerek;
xızmetkerga jumısqa dóretiwshilik penen jantasıwǵa imkaniyat jaratılǵan bolıwı kerek;
xızmetker óz miynetiniń nátiyjelerin kóriwi yamasa seziniwi kerek;
basshı óz lawazımına ılayıq, professional bolıwı kerek;
jumıs kúshti talap etiwi kerek;
xızmetker óz jumısı hám ulıwma jmıs jaǵdayına baylanıslı awhal tuwralı informaciyanı alıw imkaniyatına iye bolıwı kerek.