Tema: Konstrukcion material retinde qurılista, mebel ham aģash ustashılıq buyimları, sport buyimları, saz ásbapları, ruwzıgershilik ásbap inventarların islep shıgarıwda buyimlarģa shiyki zat tańlawdi uyreniw. Reje

Qaraǵay- Qaraǵaydıń qabıǵı qalıń, toyǵın qońır reń, aǵashlıǵı aq - qızǵısh reńli, tuwrı qatlamlı, jeńil, puxta, smolalı bolıp, ıǵalǵa shıdamlı, jıllıq saqıynaların anıq kóriw múmkin.
Arsha- tereginiń qabıǵı qalıń, qaramtır kúl reń bolıp, aǵashı putaqlı bolǵanlıǵı ushın islew qıyın. Sıypaq qatlamlı bolǵanı ushın ózek nurları kórinbeydi. Az smolalı, ıǵal tásirine shıdamsız. Arsha qurılısta, cellyuloza - qaǵaz sanaatında keń isletiledi.
Lestvinnica-qabıǵı qalıń, qaramtır -sarǵish reńli boladı. Aǵashı sıypaq qatlamlı, jıllıq saqıynaları anıq bilinetuǵın, qızǵısh qońır reń, qaraǵayǵa qaraǵanda puxta boladı. Artıqsha smolalı bolǵanı ushın islew qıyın.
Onı gidrotexnikalıq imaratlarda, jer astı qurılıslarında, shpal tayarlawda paydalanıladı. Qurılıs hám vagon sazlıqta emen aǵashınıń ornında isletse boladı.

	1. Aq qaraǵay 2. Emen 3. Finik
1-súwret. Terek túrleri

Aq qaraǵay - Aq qararay qabıǵı juqa, sıypaq kúl reń tawlanadı. Aǵashı aqshıl, biliner- bilinbes qaramtır daǵal jumsaq jeńil bolıp, ańsat islenedi. Onnan kóbinese qaǵaz sanaatında hám pıshqılar tayarlawda paydalanıladı.
Kedr - Kedrdiń qabıǵı qalıń, shatnaǵan, qońır túsli. Aǵashı jeńil, jumsaq, ańsat islenedi, reńli hám tábiyǵıy gúlli sulıw, jıllıq saqıynaları barlıq qırqımlardan anıq kórinedi. Onnan qurılısta, aǵash ústashılıǵında qaraǵay hám arsha menen bir qatarda paydalanıladı, qálem tayarlanadı.
Оlxa- Qara zirktiń qabıǵı qaramtır túsli, qalıń, shatnaǵan bolıp aq olxanıń qabıǵı tınıq hám sıypaq boladı. Aǵashı aqshıl, ashıq hawada tez qızarıp ketedi, tez qurıydı: jumsaq, jeńil boladı, ańsat islenedi, ıǵalǵa shıdamlı, jıllıq saqıynaları anıq bólinip turadı. Olxa aǵash boyawdı jaqsı aladı, onı qızıl aǵash sıyaqlı islew ańsat. Olxtiń úlken kemshiligi onı tez qurt jewi bolıp esaplanadı. Onnan arzan mebeller, faner hám tpıshqılar tayarlanadı.

	1- Samshit (Shamshod) 2- Lipa (Arǵuvan) 3- Qayıń